[نور الافق]

السلام عليكم,انا باشكر الاخ abbsi علي شرحه لمعني الطموح,لكن باقولك الاكثر اهميه من شرح معني الطموح هو كيفية زرع الطموح داخل كل انسان وازاي ننميه وازاي نعرف نجدده اذا ما وصلناش لحلم او امل كنا نسعي اليه ,انا مش باقولك كلام انشاء,انا باقول كده من واقع تجربتي وهي اني كنت احلم واجتهد لكي التحق بكلية الطب,لكن ربنا ما اردش مع اني باحب المجال ده لدرجه لا يتخيلها احد,بعدها حسيت بخيبة امل ,وقتها قررت اني ادخل كلية العلوم علي شان اقدر احول منها بعد سنتين الي كلية الطب وده اذا حصلت علي تقدير عالي وده كان النظام في جامعات مصر,وبالفعل اجتهدت ووافقت اني اضيع سنتين من عمري في سبيل الوصول الي الطب,وفعلا وفي السنه الثانيه نجحت وكان ترتيبي الثاني علي الدفعه يعني من اوائل الطلبه اللي المفروض احول لكلية الطب,وفجاه افاجا بقرار من المجلس الاعلي للجامعات بالغاء التحويل من علوم لطب,فتصور اي خيبة امل ممكن تصيبني, وبعدها كملت كليتي(العلوم)عادي واتخرجت بتقدير جيد جدا مع مرتبة الشرف ولكن من غير اي طموح,يا ريت تكون فهمت قصدي من قصتي .يعني لو عندك طريقه تنمي بيها الطموح يا ريت توصفهالي