[جودينا]

المشاركة الأصلية كتبت بواسطة فراولة2

عزيزتي جودينا الف الف مبروووك على شفائك والله لايعيد الصدفيه مرة ثانية....

عنديكم استفسار ما اعتقد تذكريني لاني من فترة طويله ما شاركت انا طبعا ماعرف اللي فيني اكزيما او صدفيه لانها جتني من سنة تقريبا في يدي اليسرى ورجلي اليسرى اما الجهة اليمين الحمدلله مافيها شي...الحمدلله الحين خفت كثير عن قبل لاني رحت عند دكتور صيني ونصحني ابتعد عن بعض الماكولات منها الدجاج والروبيان والمكسرات والكاكاو....ووقفت كل هالاطعمة ماعدا الكاكاو لاني ما اصبر عنه..بس الحمدلله خفت وبعدها جربت مرة وكلت روبيان ورجعت في ايدي الحبوب الصغيره اللي بعد يوم تتقشر..والحمدلله على كل حال ..الحين انا سؤالي في ثلاث اظافري عندي مشوهه وصفره وتسبب لي احراج شديد..هل ينفع اخفف اللوريد مع الفازلين للاظافر؟ وفي رجلي كيف احطه طيب تلبسين جوارب؟ وكم تتركينه على ايدك او رجلك؟ ومتى تحطينه بالليل او النهار؟
اسفة اذا ازعجتك بس تحمست اجرب لان عندي اللوريد ولسه ما استخدمته

مرة ثانية الف الف مبروووك وعقبال الجميع

هلا فراوله...إي اذكرك زين,,,واذكر بعد صوره الاظفر المصدف الله يشفيه ,,, واذكر نظام جنكيز خان اقصد تشارلز وعصيره...واذكر بعد سالفه الطقم الأيسر اللي عندك
شفتي شلون اذكرك زين خيتو الذاكره 6/6 ماشالله

وبالنسبه لإستفسارك عن اللوريد المخفف للأظافر المصدفه,,,اقول لك ما ادري والله لأني ماجربت اظافري مو مصدفين...لكن اللي استخدمو المرهم لصدفيه الاظافر كلهم يمدحونه حسب ما قرأت...بس ماقالو انهم كانو يخففونه

وبالنسبه لسؤالك الثاني/في البدايه كنت متحمسه,,,استخدمه مرتين في اليوم وكنت لمن ادهن به البس جونتيات في ايديني واكياس في اقدامي وفوق الاكياس جوارب...بس بعدين كسلت جودينا وصارت تدهن مرا وحده في اليوم قبل النوم ومن غير اكياس وجونتيات
بس اغسل ايديني واقدامي بصابونه طبيه قبل لا ادهنهم بالليل والصبح طبعا اغسله مع الوضوء

ودام ان اللوريد عندك ياخيتو استخدميه وبتشوفين خير ان شالله ...احسن ماتنتهي مدته وترمينه

وان شالله عن قريب تبشرينا بشفاء الطقم الأيسر
يارب