[بنـ الكويت ــت]

انا من رايي لا ثم لا ومستحيييييييييييييل ارضا اخذ واحد متزوج
انا مابني سعادتي على تعاسة غيري
شذنب المره اخذ ريلها منها ؟؟ وشذنب عيالها !!!
مستحيييييييل !!
..
اما اذا الريال تقدملي " مومتزوج :" عادي لاني بكون صريحه معاه وبقوله عن كل مرض فيني
رضا فيني يزاه الله خير ، مارضا ! فيها حكمه من ربي وخيره والحمدالله
والدنيا ماراح توقف على ريال !
..
اما اذا كنت متزوجه وريلي تزوج علي ! طبعا اطلب الطلاق لاني ماتحمل
واحسها خيانه لي ، وان كان بيناا عيال اخذهم واعوضهم عن ابوهم الخايس :@ عصبت :p لووووول
بس صج لانه اهو الي هدم كل شي !
..

واذا تقدملي واحد فيه صدفيه
ياهلا ومسهلا بعد عمري احطه على راسي :p
..

بعدين مادري انا ماحب افكر بهالموضوع وايد عساس ماتعب نفسي وتفكيري
احس الي ربي كاتبه بسير ! وانا موكله اموري على ربي
والله يكتب الي فيه الخيير
..
وفي شغله احنا مشكلتنا عبالنا الريال 24 ساعه بجابلنا !!
ترى الريال اهم ماعليه بطنه وراحته يعني وحدة تسهر على راحته
وتشوفه شيبي وشنو مايبي وشنو ناقصه ! لو شنو فيها مرض بتكبر بعينه اصلا !
والله لو البنت متروسه صدفيه بس تكون مريحه الريال كل شغله زاهب وماتنكد عليه
مايبعيها لو شنو ولا يبدلها بمره ثانيه ! .. هذا حجي الافلام الي الريال مجابل مرته 24 ساعه وبس يسرح بويها ومادري شنو لوول .. بس الصج اهم شي انج تقدرين تقومين بواجبات ريلج وماتقصرين فيه ..
والحمدالله احنا نشوف ونسمع ونتحرك ونقدر نسوي كل شي بس مرضنا باليلد " الجلد " ومرده بيتأقلم لكن شتقولون عن الي يلازمون لفراش مرات طويله ؟!
و و و ..
حمدوا ربكم