[ღ زهرة الشفاء ღ]

كب البسبوسه بالقشطه والمحشيه تمر ومكسرات


حبيت أقدم لكن وصفه للبسبوسه بعيده عن الشكل التقليدى المعروف لها اللى هو صينيه
فعملتها فى قوالب الكب كيك
طبعا مقادير البسبوسه واحده أنما الشكل مختلف
ممكن الا تتقيدى بالشكل وتسويها بطريقتها المعتاده وأليكى المقادير ثابته
طبعا بنستخدم دقيق البسبوسه
اللى هو ( السميد أو السيمولينا)
فى منه ناعم وخشن أنا أفضل الخشن لأن الناعم بيحسسنى انى باكل كيك وليس بسبوسه


انا استخدمت كوب الماء الكبير كمعيار
كوب ونصف سميد خشن
1 كوب سكر
كوب الا ربع جوز هند مبشور
1 كوب زبادى (أفضله عن الحليب فى عمل البسبوسه بالذات)
أقل من نصف الكوب سمن
نصف ملعقه بيكربونات الصودا اللى هى بيكربوناتو
نصف ملعقه بيكنج باودر
ذره ملح


مقادير الحشو (اختيارى ممكن تستغنى عن الحشو)
بندق وعين جمل وقطع صغيره تمر
هذه الوصفه تحتاج لشيره مقاديرها
كوب ماء
مذاب فيه كوب سكر
عصير نصف ليمونه
ملعقه زبده وربع ملعقه فانيليا





الطريقه
أولا


نضع السميد ومعه السكر فى طنجره والكربوناتو والبيكنج باودر والملح ونقلب





نضيف الزبادى






ونقلب وبعدها نضيف السمن وجوز الهند ونقلب





طبعا لو حتعمليها فى صينيه عاديه تدهن بسمن ويصب الخليط لكن انا عملتها فى الكب كيك


وضعت ورق البليسيه ووضعت ملعقتان من الخليط





وفوقهم وضعت المكسرات وكور من التمر هكذا





وأضفت مره أخرى ملعقتان من خليط البسبوسه فوقهم





ودخلتها فرن حرارته 180 تلت ساعه فقط واختبرت نضجها زى الكيك بالظبط
وفى هذه الأثناء حضرت الشيره
وضعت الماء والسكر عالنار وبعد الغليان بعشر دقائق رفعتها من عالنار وأضفت الفانيليا وقطرات الليمون وملعقه الزبده وتركتها جانبا


ملحوظه مهمه جدا
الأصل فى عمل الشيره ان تكون كميه السكر ضعف الماء أنما فى البسبوسه أفضل تكون الكميتان متساويتان لماذا؟؟؟؟؟؟؟؟؟؟؟
لأن البسبوسه اصلا وضعنا عليها سكر


هنا البسبوسه استوت وكمان حمرت وجهها تحت الشوايه





وهى لازالت ساخنه وباستخدام ملعقه وزعت الشيره على البسبوسه بالتساوى حتى انتهيت من كل الكميه وتركتها نصف ساعه
وبعدها خرجتها من الصينيه وفكيت البليسيه وقلبتها على ورق تانى نظيف ووضعت قطعه قشطه وشيكولاته سايحه وفستق
وده شكلها النهائى