[شيماء عادل]

السلام عليكم ورحمه الله وبركاته

انا هدخل في الموضوع على طوول
انا شيماء من مصر 20 سنه عندي اخ دلوقتي 11 سنه
سامحوني لو طولت بس بليييييييييز محتاجه لحل
انا كنت محتفظه بفساتين و تاييرات ليا و انا صغيره كنوع من الذكرى
كان اخي عنده 5 سنين تقريبا
لما كان يعمل حاجه غلط او على سبيل المثال يحاول يضربني نوع من المشاغبه
ماما تعاقبه
بانها تلبسه فستان من فساتيني
لانها كانت تقريبا في مقاسه فكانت تتخذه اسلوب عقاب
الموضوع تكرر اكتر من مره
مره تلبسه فستان مره تلبسه تايير وكأنها بتنوع له اللبس
بعدها بدأت تعامله كأنه بنت مثلا تعالي يا حلوه يا قموره وهكذا
هو كان دايما يتعصب
لدرجه ان الحكايه دي حصلت وكان في ضيوف ماما بتقول له يا بنوته يا قموره
انا الصراحه تخيلت نفسي مكانه لو كنت ولد لقيت احراج رهيييييب
المهم من غير ما اطول كان كل مره يحاول يقلع الفستان وماما تقول له لو قلعته هتتضرب
ويفضل طول اليوم به
اختفت الحكايه دي فتره طويله
لحد ما وصل 10 سنين
بدأت احس ان في حاجه غريبه يحب الانعزال شوي يحب لما نخرج يفضل قاعد لوحده مره ماما و بابا خرجو وراقبته كنت عامله نفسي نايمه
وبصيت عليه لقيته فاتح الدولاب وقلع ملابسه وبدأ يلبس ملابسي القديمه ويستعرض كأنه بنت ويلبس الفستان دخلت عليه فجأه بقوله بتعمل ايه ؟ قال لا لا عادي بمثل
المشكله ان الحكايه دي حصلت اكتر من مره
يعني من غير اجبار ماما او اي حد
اللاقيه بدأ يلبس الحاجات دي ادام عيني
ويخاف يلبسها عند ماما او بابا
وبدأ يلبس باقي الملابس اللي تيجي بمقاسه ويستمتع بها كأنه بنت
بدأ فساتين - تاييرات -حتى المايووه بتاعي وانا صغيره-جيبات ......الخ الخ الخ
بليييييييييييييييز قولي لي حل له
ايه الحل؟؟
بلييييييييز محتاجه حل ضروري في حين اني حاولت انهيه قلت له انت ولد عيب وهو كأنه مش بيسمع مني خالص
بالعكس احس انه يزود اكتر كأنه بيعاند

بلييييييييييز محتاجه و منتظره الحل؟؟
فأمان الله