[الحايره]

انا بصراحه عانيت من هالموضوع وخسرت اشيا كثيره مع ان الصدفيه جاتني بعد الزواج بس صدقوني صعبه مو اي احد يتقبل مريض الصدفيه وبالذات هالايام الشباب علشان يتزوجون يحط مية الف شرط مستحيل يرضى او يفكر ياخذ وحده مريضه او واكبر دليل ان صدفيتي هي سبب طلاقي الا من رحم ربي والله والله بعض الاحيان ودي اروح مدينه كل اللي فيها مرضى صدفيه علشان محد يسال او يخاف او يشمئز منها او يقول تعدي ولا يماه شنو هذا ؟ تعرضنا لاحراجات كثيره الله ياجرنا على صبرنا اللهم امين