سلام من الله عليكن ورحمته وبركاته
لما لمسته منكن أخواتي في الله من التقوى وحسن المعامله من هنا فكرت بطرح مشكلتي وحيرتي في أمري من غير تردد سائله المولى جل علاه ان استفيد من نصحكم وآرائكم وأتمنى كل من تقرأ موضوعي هذا أن تدلني وترشدني على الصواب
(فما خاب من استخار ولا ندم من استشار)
قبل كل شي اعرف بنفسي كي يفهم الجميع ويحكم على صواب
انا خريجة جامعيه منذ اربع سنوات لم اتوظف بعد , ولم اتزوج , كل اخواتي الكبار كذلك اختي الصغيره تزوجوا ولم يتبقى في البيت الآن سوى أنا ووالدي ووالدتي واثنان من أخواني تخرجوا من الثانويه ولم يحصلوا لحد الآن لاوظيفه ولادراسه
والدي الآن توه رجع من السفر بعد أن اجريت له عمليه في عينه ولله الحمد والمنه تمت بنجاح والآن هومعنا في المنزل
المهم ياأخواتي : قلت لكم كل هذا عشان تفهموا المقصود زين
(كل مافي الأمر)
ان احد أخواني الي مش ساكن عندنا بنفس الديره
وهو اصغر مني قال لنا انه رايح ياخذ اجازه عشان ياخذنا أنا وأمي ويودينا لأحد المدن الجنوبيه عشان يمشينا فيها
وألي محيرنـي في الموضوع ,,,,,
هل انا أروح معهم ولا أرفض
راح تقولوا ليش أرفض ؟؟
عشان الوالد بما أنه توه مسوي عمليه يبغى له اهتمام شوي زي مواعيد الدواء لازم ياخذها بانتظام وأربع مرات في اليوم كمان مين راح يسوي له الأكل صح ان في البيت اثنين من أخواني بس الأولاد مش زي البنات طبعا واكثر الوقت بره البيت ولا نايمين
المهم ياأخواتـي,,,,
صدقوني ماتتخيلوقد ايش انا نفسيتي تعبانه ومحتاجه اطلع من البيت لو ساعه يمكن هذه الساعه تريحيني من العناء والتعب النفسي ألي انا فيه , محتاجه اشوف الناس والدنيا , أنا ماأطلع من البيت أبدا يمكن لي أكثر من شهرين ماقد طلعت من البيت لأن بصراحه ماعندي أحد اطلع له وخواتي كلهم بره الديره كمان باقي أخواني كلهم بره الديره ولاعندي اعمام أروح لهم مثلا
ضروفي جدا صعبه في البيت واذا فكرت أقول لأحد من صديقاتي تجيني البيت أتردد طوالي لأن ماأقدر آخذ حريتي مع ألي يجيني في البيت , انا مكتومه في هالبيت بشكل ماتتخيلوه ولا يسمح المكان اني ابث فيه معاناتي بالتفصيل . . .
ولاكن لكم ان تتصوروا الوضع كيفما شئتم !!!
كمان محتاره ... عشان أخوي الي قال انه بيودينا لأنه كلمني شخصيا وسألني وقلت له والله بكيفك اذا ظروفك تسمحلك ماهي مشكله , وألحين انا منحرجه منه بعد ماكلف على نفسه وانه راح يجي عشاننا وفي النهايه ارفض , وبالمناسبه ترى اخوي ماقال انه راح يمشينا الا عشاني انا لأنه حاس فيني وف الضيق ألي انا فيه صح انه ماصرح لي بس انا أعرف ايش الي في باله.
كمان محتاره ... عشان أمي أخاف تزعل وتسوي لي سالفه لأن أمي احسها تزعل وتتحسس من شي يخص الوالد بمعنى اذا قلت ماراح أمشي معاكم عشان الوالد احسها تتضايق كثير(ماأبغى أفصل ف هالكلام بالذات بس ياليت تفكروا بمعنى كلامي كثير وراح تفهموا)
انا ياأخواتـي : عايشه بحيره هالأيام ياليت تفيدوني بنصيحه أو كلام قبل مايجي أخوي .
انا دايما كذا حياتي كلها قلل وحيره وعايشه بين نارين
ماأدري ايش اسوي
الوحده اتعبتني ماعندي احد قريب من نفسي يفهمني وافضفض له غير رب العالمين
كلهم خواتي الي اكبر مني خواتي من أم بس غير أختي الصغيره هي شقيقتي
وآه وألف آه من أيام الشقا والضرب والعناء والظلم ألي أنا شفته ف هالبيت وعانيت منه
بس الحمد لله على كل حال ( والشكوه لغير الله مذله)
وكل شيء بأجره
بعد ماقريتوا موضوعي والحيره ألي انا فيها ايش تدلوني عليه
أسافر معهم ولا أجلس عشان خاطر الوالد مع ان الوالد ماتكلم ولامنعني من السفر معهم واذا رحنا طبعا ماراح نطول كلها أربع خمس ايام واحنا راجعين
اشيروا علي أرجوكم لاتبخلوا بأرائكم
واعتـذر على الاطـاله
في النهايـه , , ,
دعواتكم لي (بالزوج الصالح التقي النقي)
(وبالوظيفه الي تكون سندي وعوني بعد الله)
أختكـم في الله : تسابيح السحر