دايما لما بيتبتقى عندنا سمك بنرميه لانه لما بنسخنه تاني بيبقاله ريحه مش مستحبه
انا عندي طريقه حلوه قوي لاعادة استخدامه
يمكنك استخدام بقايا السمك في عمل كفتة سمك لذيذه جدا والاطفال بيحبوها قوي واليك الطريقه
اول حاجه اخليه من الجلد والشوك واحفظيه في الثلاجه لحين استخدامه
المقادير:2كوب سمك مشوي او مقلي
1كوب بطاطس مسلوقه كويس
بصله صغيره مبشوره ومشوحه
2 ملعقة صلصه بيضه سميكه
نصف بيضه
بيض وبقصماط وزيت للتحمير
الطريقه :نخلط جميع المقادير ونهرسه جيدا بالشوكه ونشكلها على هيئة اصابع وتوضع في الثلاجه لمدة 10 دقائق حتى تتماسك
يتم دهن اصابع الكفته بالبيض بواسطة فرشاه وتضحرج في البقصماط ثم تقلى في الزيت
اعمليها جمب السمك الاساسي لمل يبقى عندك عزومه بتزين الاكل
جربوها وردو عليه انا جربيها طعمها تحفه والاولاد بيحبوها قوي