[درة الأقصى]

السلام عليكم ورحمة الله وبركاته ..

موضوعك حلو كتير حبيبتي الفراشة ..

بالنسبة الي ولأخواني ..

أخي أصغر واحد "عبد الرحمن " بفكر انو ماما وبابا بس الو واحنا دخلاء على العيلة ..

ولما بيعمل شي غلط وبابا بعزرو او بعاقبو .. بصير يقول : انا مو ابنكم !!

طبعا لانو الاصغر .. بحاول يسيطر على كل شي باساليبو الخاصة .. متل الصراخ او التخريب !!

ولما بشوفني بحضن ماما .. يا ويلي ويا ويلها ماما ..!!

اخي "يوسف " الاكبر منو .. الو مكان خاص بالقلب وبنحب بسرررعة .. وعندو خبرة بالاستفزاز حتى انا مرات بنجن منو !! >> بس قريب من القلب

واخي الاكبر بالاولاد "سالم" .. كان وهو صغير لما بزعل يقول : هلا بلم اغراضي وبطلع برا الدار شو رايكم ؟؟ >> تهديد

وهلا مالو بكل هالشغلات المهم عندو انو يكون عبد الرحمن بخير وما يتاذى ولا بشكل من الاشكال ..

بقيت انا .. لازم الي الحصة الكبير لاني الوحيدة من جهة .. ولاني الكبير من جهة تانية ..

لما اروح انا اسال ماما بتقوللي انتي .. ولما يروح سالم بتقوللو انتا وكذلك مع يوسف وعبد الرحمن !!>> يعني بيضحكوا علينا

ومع هيك .. الحمد لله راضيين بنصيبنا .. الا عبد الرحمن بدو كل شي الو !!