اثنين بنات عساسيل وزى القمر
واحده بحجاب والثانيه بتشاور عقلها
فى يوم فرحهم حيرونى
الاولى يوم فرحها قال آيه عشان تكون فى ابهى زينه
خلعت حجابها
وقالت ده يوم الفرح يوم واحد فى عمرى
والثانيه ويا فرحتى
فى يوم فرحها كنت طايره من السعادة
مقلكمش على بسمتى لما طلعت علينا بطلعتها البهيه
وحجابها تاج ع الجبين
جريت عليها ومبروك كلمه من قلبى طالعه لها والعين
همست بعقبالك
قلت لها قمر بحجابك
قالت لى ده كان اجمل موديل
قلت لها أجمل مفاجأه
قالت لى أيه؟
قلت الحجاب
قالت لى لأ ده بس النهارده
قلت لها آآآآآآآه
ده يوم الفرح يوم واحد فى عمرك
وقالت لى عقبالك
رجعت والحيره شلت لى عقلى
الاولى عايزه أبهى زينه فخلعت حجابها
والثانيه ووجدتك زينتها فى موديل الحجاب
ياحسرتى ......على قلوب وعقول الشباب
ردت على قريبه منى سامعه همسى
فقالت لى معلش اصلهم بنات طيبين
طيبين؟؟
صدقونى تعبت من الكلمه ديه
طيبين؟
وأيه علاقه الطيبه بيهم
الطيبة مش جهل ياناس غلابة
الطيبه لو نطقت هتصرخ وتقول بريئه
ولو مانطقت لقلت انى بريئه منها
خلونا ننهى الكلام ده حالا
خلونا نسكت عن حكاوى الطيبين
خلونا ننهى عبارات بتخنق
زهقت كلمه ده شعب طيب وناس غلابه
طيبين؟؟
حاله بلد زى العجب