علاجي يثير الصدفيه
السلام عليكم ,,
قبل ما أبدأ بالموضوع .. راح أتكلم بالعاميه عشان أقدر أعبر ..
أنا إنسان فيني فيروس الكبد c والفيروس إنتقل لي من أول ما إنولدت كان فيني فقر دم وأعطوني دم مصاب بالفيروس وكان في ذاك الوقت مافي فحص للدم ,,
بدت أراجع إستشاري لأمراض الكبد وبدأت بمرحلة العلاج واللي كانت عبارة عن أبر أنترفيرون وحبوب ,,
بعد فتره من إستخدام العلاج وتقريباً بأربع شهور ظهرت حبه بفروة الرأس وصرت أحكها كثير وكانت تنتشر ..
كان مكان الأبر باليدين هم اللي متأثرين بالصدفيه وكنت أحكها كثير وكانت تنتشر
إستخدمت علاج الكبد لمدة سنة وطلب مني الدكتور أتوقف عن العلاج لمدة 3 شهور عشان نتأكد هل يرجع الفيروس ولا لا ..
توقفت عن العلاج وبدت الصدفيه تروح مني لحد ما إختفت تماماً
ما كتب الله إني أتخلص من الفيروس ورجعت أستخدم علاج الكبد مره ثانيه
ورجعت عندي الصدفيه وبشكل أكبر
الصدفيه موجوده الآن في غالبية جسمي تقريباً وتزيد وتنتشر لما أحكها ,,
صراحه ما أعرف ليش كتبت الموضوع يمكن عشان أفضفض لكم ويمكن عشان أفيدكم إن علاج الكبد هو مثير للصدفيه ,,
أتمنى إ ني أفدت أحد فيكم
|