[الخلافة القوة]

طفيلي ختيار

كان في واحد طفيلي ختيار يروح كل يوم على البنك و يدخل 500 دينار بحسابه.

و في يوم من الأيام طلب المدير من الموظفين انهم ينادوه على مكتبه اول ما يجي.

لما اجى الطفيلي الختيار و دخل البنك، دخلوه الموظفين على المدير؟

قاله المدير: انت وين بتشتغل؟
قال: انا عاطل عن العمل، ما الي شغل

قاله المدير: من وين بتجيب المصاري؟
قال: انا بظل اتحدى و اراهن الناس و بكل مرة بكسب

قاله المدير: انت كذاب، احكي عنجد ...

قال الطفيلي: طيب، تراهن اني بقدر ابوس عيني على 250 دينار
قال المدير: براهن ...

قام الطفيلي فك عينه، باسها، و رجعها ... عينيه تركيب

قاله المدير: كيف ؟؟؟؟؟

قال الطفيلي: تراهن اني بقدر اعض أذني على 250 دينار
قاله المدير: براهن

قام الطفيلي و طلع طقم سنانه، و عض اذنه و رجعها ... سنانه تركيب

اعطاه المدير 500 دينار و طلع الطفيلي الختيار.


ثاني يوم لما دخل الطفيلي للبنك نادوه الموظفين و دخلوه على المدير

قاله المدير: يا ابن الحلال، بكفي و رجعلي مصاري خلصتلي الراتب من اول الشهر
قال الطفيلي: خلاص، انا براهنك على اشي، اذا انت فزت بعطيك كل مصاريك، و اذا انا فزت بتعطيني 250 دينار بس

قاله المدير: على ايش بدك تتحدى
قال الطفيلي: بتحداك ان لون البوكسر الداخلي تبعك ازرق
قال المدير وهو فرحان: لا مو أزرق

قال الطفيلي: لا أزرق

قال المدير: لا مو أزرق

قال لطفيلي: اشلح بنطلونك عشان اشوف

فشلح المدير بنطلونه عشان يكسب الرهان.

التفت الطفيلي على الموظفين القاعدين يتفرجوا ... و اخذ من كل واحد فيهم 250 دينار و قالهم: مش قلتلكم ان رح اخليه يشلح بنطلونه