رد: العلاج بالليزر
الاخوة الاعزاء انا جربت العلاج بالليزر ولي تجربة فيها بعد فترة بسيطة من الاصابة بالصدفية (قبل 5 سنوات ) وقمت بزيارة لاحد المستشفيات في الاردن وعملت بالضبط 4 جلسات لانه زي ما حكيتو اخواني انا الاصابة عندي محدودة والحمد لله يعني بالاكواع والرجلين ومن تحت الركبة ونقاط صغيرة بالظهر وبصراحة كانت النتائج هائلة يعني بعد اربع جلسات كنت خالي تماما منها ورجعت (المحروسة) بعد سنة ونص بعدها بنفس الوضع بس لما رجعت سألت نفس المستشفى عن الجلسات بس ما بعرف بس كانوا شكلهم اغلقوا المركز المختص بهذا العلاج ومش عارف ليش يعني شكله لاسباب تجارية يعني ما ربحوا كفاية مع اني كتير كنت مستفيد منها ومن سنتين وانا ما بستخدم اي علاج يعني بصراحة انا بحكم ظروف العمل الصعبة عندي ما بقدر استخدم اي نوع علاج بيحتاج الدهن بدي علاج ما في مراهم ولما اكتشفت انه ما في جلسات ليزر بالمستشفى وقفت كل شي لحد ما راجعت دكتور و اعطتني كبسولات نيوتيجازون وبصراحة برضة استفدت عليها بس خفت من الاعراض الجانبية وقفتها بعد شهر انا الي حابب اقوله انه صدفيتي تستجيب لاي نوع علاج باستخدمه بسرعة بس انا ما بواضب على العلاج لاني من يوم ما جربت الليزر ما استفدت زيها وانا هلء حابب اعيد التجربة اذا في مراكز لليزر في مصر او اي مكان تاني لانه سريع وفعال ومعادلة بسيطة 4 جلسات وسنة ونص خالي و ما في اعراض جانبية كتير ممتاز بالنسبة الي الي بيعرف اي من هالمراكز يفيدنا والله يجزيكو الخير
|