[بنت العم]

السلام عليكم كيفكم يالربع ههههه
المهم هجهوج أثرك كاتب ..عندك بداية كاتب طورها وسوي روايات ...حقت بنات الرياض الي صاجينا فيها مب احسن منك
على طاري الامل والله حتى انا كنت فاقده اي احساس بالامل اول كانت حوالي 100 صدفيه منتشرة اكثر شي في الجذع اما الاطراف فما فيها الا خفيف ورحت وتفلسفت اخذت ابر امبريل ست شهور ومع حبه البركه وصارت المعركه وثارت ام الصدفيه ...زعلت ونثرت عيالها في كل مكان العله وبعدين قمت بكحلها بمرهم الدكتورة الي في مصر نسيت اسمه وثارت الصدفيه وقامت تنتقم وتطلع دم وصديد وسائل اصفر وتنثر ملابسها هي والعيال اقصد القشور وقمت كملت السالفه وحطيت خلطه جبتها من النت فيها عكبر ولا صرت اقدر حتى اتقلب على السرير ابكي بكاء حار وجاني اكتئاب ودخلت المنتدى ولقيت اخوان يمسحون دمعي ويحسون فيني وفجاءة من بين الحضور ظهر ديتول لا لا اقصد العلاج الي فكني بعد الله من الصدفيه على يد الاب الرائع سيد عبد العال الي ادعي له كل ما تذكرته وبدا بشرح تجربته مع الصدفيه وبديت اطبق الماء والملح وشوية شمس والحمدالله تم الشفاء بعد فترة بسيطه .....لا تياسوا الفرج قريب
هجهوج الله يوسع خاطرك ويطرح فيك البركه ويوسع لك في رزقك ويحفظ لك عيالك وكل من يعز على قلبك والوالده وام ليث الي مهيب سهله ابد ..لانك رجعت تزرع الامل وتخلي الناس يجربون علاج تاريخي ستشهد له البشريه الماء الحار
+الملح والفازلين+الخل والاوميجا3
وبس خلص كلامي وشكر للجميع
على فكره نسيت شي بغيت اقولكم ان صدفياتي العدس احترقوا قضى عليهم الله من عنده حطيت الفازلين مع الخل ثم اقعد في الماء والملح ثم ادهن بجلسرين وعيني ماشافت الا النور عقبالكم ياحبايبي