تعديل الطريقة الهجوجية للناس الدلوعة ... بس طريقة صارت بطيئة شوية
إلى الأخ هجهوج أنا متابعة للموضوع من ثاني أسبوع تقريبا
و أنا إتزوجت حديثا من شهرين
و زوجي يعاني من الصدفية من سنة 1995 شفي منها مرة لمدة 9 شهور و رجعتله مرة ثانية ... فبديت أقرأ عن الصدفية كثير و إشترينا عبوات أللوريد تكفي لمدة شهرين لكن استخدمناها لمدة اسبوع و كانت جدا متعبة خصوصا بعد رجعته للدوام ... غير إنها تصبغ الملابس و السرير و لها رائحة ....
و بصراحة أي أحد مكانه ما يتحمل
طبعا عشان أكون دقيقة نسبة اصابته بالصدفية حاليا 40% من جسمه لكن كانت أشد من كذا على حسب ما هو يحكيني
المهم قمت أقرا في كتاب جي إن سي و لقيت الفشاغ يعالج الصدفية و دورت عليه بالإنترنت و لقيت إنه يساعد على تنقية الدم من شوائب الخلايا اللي تسبب الصدفية و بديت أعطيله الحبوب يوميا
و بعدين رجعت أدور في النت عشان أقرا أكثر لقيت موضوعك يحتوي على الفشاغ و قمت أقراه
فلقيت الميلك ثيسل او الحرشف البري ينظف الكبد و يساعد على تجديد خلاياه و قريت ان عند ربط الصدفية بالكبد و تنظيفه و تحسين أداءه تم شفاء 80% من مرضى الصدفية
أما الحالة النفسية فتم شفاء 50% من المرضى
أما بالنسبة للزيوت المكملة فلقيت انها كمان مفيدة في علاج الصدفية لكن بدون أي تفسيرات
و رحت إشتريت الباقي من الحبوب و بديت أعطيله اياها بالقوة لوول
لكن هو كان مستمر في استخدام إليكوم و دايفوبيت برغم إني كنت عارفة انها ما تفيد غير في توقيف الحالة لكن هو كان مصر و هو كمان عارف الشي هذا ... فتركته على راحته
في خلال أول 10 أيام من استخدام الحبوب لاحظنا تغيير ملحوظ جداااا في الصدفية .... فإتكلمت معاه عن الزيوت و اقتنع و بدينا الزيوت لكن بدون الساونا
و خلطنا الجليسرين و اللوز الحلو قبل النوم على جسمه .... و زيت البابونج على الراس
و كان السبب انها زيوت مالها رائحة مزعجة و طبعا وقته ممع الشغل ما يسمح بأي شي ثاني بالإضافة إلى الوضع في رمضان ......
و في الصباح يتحمم عادي لكن بصابون زيت الزيتون : "زيت الزيتون القوالب من العطار .. أبشره و أضيفله ماء لين يختلط و يصير سائل و أضيف عليه زيوت معطره للرائحة"
لأنه ما يحب رائحة الصابون المغربي و انا شخصيا أستخدم صابون القوالب من سنتين و ألاحظ إنه يطري الجلد و يقشره
طبعا هيا طريقتك الهجهوجية مع التعديل للناس اللي ما تحب تضايق نفسها
يتم فرك الصدفية بالصابون و ليفة ناعمة و بعدها يدهنها بكريم الفازلين .... بالكريم و ليس المرهم ... و كريم الفازلين بالذات لأنه الماركه هذي فيها الكريم ثقيل.....
و الحمدلله إلى الآن مستمرين في التحسن و راح أكتبلكم أول بأول و أبشركم بإنه خف قريب .... حبيت أشكركم كلكم و بالأخص هجهوج .... و أي شي تحبوا تعرفوه دوروا في النت و راح تستفيدوا كثير .....
أختكم ... مها
|