[قلبي يحبكـ]

أختي المفروض صراحة تشكري الله
اتخيلي انا اربيعتي تزوجت بابن صديقه امها (( تعتبر مثل خالتها و أكثر))
تخيلي ام زوجها هي اللي اختارتها
المهم تزوجت وعاشت أحلى ايام عمرها وكان ثمرة هالزواج والحب الطفل عبدالله
وبعد شهرين من ولادة عبدالله أم زوجها أمرت زوجها ان يطلقها بدون سبب
وهو أخذها لبيت اهلها لا هي مطلقه ولا هي متزوجه
وهي تتصل له وهو يقول انه يحبها ويموت فيها بس امه ما تبيها
والمصيبه بدون سبب
والاب الزوج حاول يرجع البنت لأبنه بس الابن اصر يسمع كلام امه
المهم الحين ربيعتي ببيت اهلها والله مبتهدله
ودخلها المحاكم

أما صديقة الطفوله طلقها زوجها بدون سبب وبسبب أمه
وأخذ ذهبها
يعني سرق ذهبها وباعه
واخذ ملابسها ووضعها باكياس القمامة
وارسلها لبيت اهلها
واتخيلي كانت حامل
وهو طلقها بعد ما بهدلها بالمحاكم وهي اتحاول
تقنعه انه ما يطلقها وحرام ولدهم يعيش بعيد
ما يبي يصرف ع ولده (وبعد اسمه عبدالله))
اتخيلي الحين يبي يرجعها بس هي
ما راضيه لأنه اتخلى عنها

اشكري الله انه صار هالشي بالخطوبه
هو لو يحبج صج كان المفروض يتمسك فيج
وما يرضى انه يفسخ الخطوبه

وصراحه خالتج غلطانه
أذا انتي وخطيبج سابقا
تبون بعض وتحبون بعض
ليش يفرقون بينكم
وحسبي الله ونعم الوكيل
بس هو المفورض يتمسك فيج
عشان يحبج وعشان المواقف اللي سويتها فيه

والصراحه من وجه نظري اشوفه ما عنده شخصية
المفروض هو اللي يقرر يفسخ الخطوبه ولا لأ

وقصتج صراحه تؤلم
بس لا تحزني ولا تضايجي بنفسج
حتى ولو كانت الموضوع فمتعلق بالاهل

انا ابن خالتي عقد قرانه ع بنت خالتي (( يعني الملجه)) والله كانت قصه حب كبير
وخالتي ام الزوج
سوت مشاكل مع اهل الزوج
وانتهي بالامر بمشكله كبير طلب اهل الزوجه من الزوج ان يطلقهابدون علمها
والله انهارت وعزفت عن الزواج مده 9 سنوات أو اقل بشوي
كل ما يتقدم ترفضهأذا اهلها وافقوا
المهم هي الحين تزوجت برجل احبها ومستحيل يتنازل عنها باي سبب
هذا هو الحب الحقيقي

صراحه قهرني خطيبج السابق
واختي نصيحه انسيه ولا تضايجي بنفسج

واتوكلي ع الله
وان شاء الله يرزقج بابن الحلال اللي بنسيج هالحب
وبيعيش احلى حياة
وادعي الله
وسوري اختي عالاطالة