[ღ فجر الأحلام ღ]

مش هيني تكون فلسطيني *|| بقلمي ||*







المصير اختارك التاريخ بيتحداك



بتزرع ما بتحصد كلن مرتاحين ماعداك
بتضحي ما بتلاقي بتنزف مابيجف الدم



بتموت ... لترجع تموت من جديد بذات الهم
هيدا قدر الفلسطيني ومش هيني تكون فلسطيني



بدّا مجهود مش بس انساني
بدّا قدرة وقوة مش متوفرةبحدا تاني
بدّا فعلاً تكون من قلب قلبك فلسطيني
بدّا فوتي بالحيط ومرّات كتيرة بالقزاز
بدّا جرأة ومحبة وطن واعتزاز

مش هيني تكون فلسطيني
بس فلسطين وطن ما إلو تاني



بتقللي ضحّيت سنين وتعبت شو إجاني
هيدا بلدك ... هيدا قدرك لأنّك فلسطيني


ومش هيني ابداً يكون الواحد فلسطيني



يمكن لإنّو كبير ونحنا بعدنا زغار
يمكن لإنّو زغير واللي بيغاروكتار
يمكن بكل بساطة لأنّو فلسطين ربّاني
مش هيني يكون الواحد عن جدارة فلسطيني



الايادي كتيرة بتدمر والفلسطيني وحدو وحدو عم بيعمّر
من لحمو ودمّوا عم بيعلّي العمار
بإرادتو ومن عزمو عم يستحي الدمار
مش ناطر عجايب ولا حسن النوايا
لوحدك بجهدك دوّرت كل الزوايا




بالإسم عنّا مسؤولين وانت السائل والمسؤول
هنّي سياسة العبث ومنطق المش معقول
لانّك متل وطنك لوحدك لأنّك فلسطيني
ما إلك الا ربّك ماتتكل على حدا تاني

اعتزّ افتخربجهدك اللي فوق
انساني وتذكردايماً مش هيني الواحد يكون ...



فـ ـلـسـ ـ ـ ـ ـطـيـ ـني






إن شاء الله تنال إعجابكم