كيف نحمي اطفالنا من التحرش الجنسي؟؟
كثير يسألون كيف افتح الموضوع كيف ابدا..ومن وين ابدا وعلى أي اساس..و يستصعبون هالشي
ويأجلونه ..ومايدرون ان هالشي يدفع ثمنه عيالهم ...
هالجزئيه من الموضوع تنقسم الى قسمين :
القسم الاول : يتعلق بالطفل(تنبيهات و تحذيرات و تعليمات)
والقسم الثاني :اللي يتعلق بالابوين او القائمين على رعاية الطفل
القسم الاول: تنبيهات و تحذيرات و تعليمات للطفل من المتحرش او المعتدي
في البدايه اجمع كل اولادك ..خصوصاً اللي اعمارهم من 4 سنوات وفوق..10 12 13 17 20 لا تقول كبار مايصير الكلام اصغر منهم ..هاتهم و اللبيب بالاشاره يفهم...خله يكون درس جماعي للكل ..بكره يعلمونه لعيالهم بطريقتك اجمعهم كلهم..و افتح معهم الموضوع بعبارات بسيطه..بسؤال بسيط..صح ام خطأ...
طبعا وجه الكلام للصغار اول و لا تخاف الكبار على طول بيفهمون وش تبي تقول
لو رحت للسوق و دخلت دورة المياه و دخل معك عامل(رجل) او كنت في المدرسه و دخل معك جوه الحمام صديقك ؟
هل هذا مقبول؟(يصلح؟ ولا مايصلح؟) ( صح كذا ولا خطأ؟؟)(عيب ولا مو عيب؟)
اذا تردد الطفل في الاجابه؟..طالع اخوانه الكبار بنظره جاوبو انتو يالله ...بتلاقيهم يقولون عيب..الاخ الصغير بيتبنى نفس النظره لانه لقاك تشجع الكبير على اجابته الصح ..فراح يقول لك عيب..وبترسخ في ذهنه انها عيب ..وترجع انت تكرر عليه العباره ..(مايدخل احد معنا للحمام...عيب..خطأ ..مايصلح)
ليه؟
لازم تشرح ..لازم تقول له هذا عيبك..المفروض محد يشوفه...الا امك او ابوك او الدكتور او اللي يساعدك تتحمم و تتروش و تنظف جسمك بس
عيبك هذا ما يشوفه احد ولا يلمسه احد ..لازم تأشر على عيبه بدون لمس..و تساله وين عيبك عشان تتأكد انه فاهم أي الاماكن انت تقصدها ...
(الالفاظ و الطريقه الي انا الان استخدمها هنا للاطفال اللي اعمارهم 4 سنوات..اللي اكبر من كذا تقدر تحكي معهم بالشكل اللي تشوفه مناسب..لكن غالباً الصغار هم اللي نلاقي معهم صعوبه )
بعد ما تتاكد انه فهم وين المكان ؟ تقول له :
لو احد لمسك من هنا؟ او حاول يرفع ملابسك؟ او حضنك بقوه لازم تقول" لا عيب عليك " و تصرخ و تهرب و تقول لامك او ابوك و اذا كنت في المدرسه تقول للمعلمه ..او أي احد تثق فيه
بعد هالمقدمه؟ اللي تقدرون من خلالها تدخلون للاطفال لموضوع التحرش
خلوني اعطيكم التعليمات على شكل نقاط تشدد على الطفل هالـ 5 نقاط
× قول بصوت عالي " لآ "..."لا تلمسني "...." عيب عليك"...."ما أحب المسك"
× أصرخ بصوت عالي لو احد لمسك من هنا ولا حاول يرفع ملابسك ..صراخه بيخوف المعتدي وبيشد انتباه الناس للطفل ..خصوصاً في الاماكن العامه
×اهرب من المكان بسرعه
× لا تسكت و تكلم و علم أي شخص كبير تثق فيه عن أي احد يتكلم معك عن عيبك ولا يقول لك ورني..واذا لحقك احد في الشارع؟...اركض لمكان فيه ناس كثير
× اقرا المعوذات في النهار قبل تروح للمدرسه او اول ما تصحى من النوم و خصوصاً آية الكرسي...و قبل ما تنام عشان يحفظك ربي من كل شر
هذا النقاط الخمس اللي لازم يفهمها الطفل و يفتح عيونه زين ويطبقها بكل شجاعه ..
عزز فيه .." انت شجاع"..." انت بطل".." انت تقدر تقول له عيب عليك"...
"انتي قويه".."انتي بطله...تقدرين تقولين له عيب لا تلمسني"
يتبـــــــــــــــــــــــــــــــــع