[ظلمت نفسي فاغفر لي]

ماذا افعل اذا وجدت هذه الدلائل على طفلي / طفلتي؟


*تحدث الى الطفل بحنان وهدوء و حث الطفل على الكلام... لا تضربه ولا تصارخ عليه و تعاقبه....الضرب و الصراخ ماله داعي ابد..لانه في الاساس ضحيه ..ماله يد في اللي صار..يعني فيه احد بيرضى يصير له كذا؟؟

*اذا تكلم الطفل و ذكر لك الشخص اللي اعتدى عليه؟ لا تكذبه ولا تصرخ و تعصب و تقول له انت كذاب ..هذا خالك عيب ..ولا هذا اخوك عيب ..خلك هادي ..ناااااادر جداً مايكذب الطفل في هالامور او يتبلى احد ماله ذنب

*فهم الطفل ان ماله ذنب في اللي صار وانك مو زعلان عليه ولا راح تعاقبه "هذا يا بابا مو كويس..مره فلان غلطان..وانت مالك دخل..وانا الى الان احبك..وانت ولدي حبيبي..وانا مو زعلانه عليك ولا راح اعاقبك لانك ماسويت شي ..كله من هذاك...بس ولا يهمك..انا دايم دايم ابحبك واحترمك"

* لا تحاول تاخذ كل التفاصيل من الطفل اول ما يتكلم عشان ما يحس بانك تضغط عليه ..غالبا المعتدى عليهم؟ لمن ينضغط عليهم بالكلام او بالتهديد؟...تصير لعقولهم حاله سبحان الله تسمى الاغلاق..يحبس كل ذكرياته في مكان ولا يقدر يسترجعها الا بمساعدة طبيب نفسي..عشان كذا خل الامور هاديه واللي ماتعرفه الحين بتعرفه بعدين.

* تجنب الاستهزاء بالطفل..او نعته بالجبان او الضعيف..ولا تعلم اخوانه او خواته .او أي حد مهما كان ..مو بالضروره يعرفون ....ماراح يساعدونه بشي..مجرد تشهير و سالفه تنعلك من فلان لفلان....و هالشي ممكن يجر عليه الاستهزاء والشماته في المستقبل..

* اذا كان المعتدي شخص في نفس البيت؟ ابعد هذا الشخص عن البيت او ابعد الطفل عن البيت...المهم لا تترك أي اتصال او احتكاك بين المعتدي و الطفل..خصوصً بعد ماقالك..لانه بيجي على باله انك ماقدرت تحميه من المعتدي..و بيكبر خوفه ..وبيخيب ظنه فيك اكثر..

* افحص الطفل طبياً..لا يكون فيه امراض او الم يحتاج علاج

* رتب للطفل جلسات مع طبيب نفسي عشان يعالج عنده المشاكل اللي ما تقدر انت تعالجها ..لا تقول فضيحه و الناس و العالم و مدري وشو...ولدك/بنتك اهم..عشان يكمل حياته بشكل طبيعي ولا تصير له مشاكل تخليه ينحرف ولا يشذ ولا تعيق تقدم حياته و تطورها ...وغالباً الاستشارات النفسيه تشمل الام و الاب..لان وقع المصيبه عليهم

كبير..واحساسهم بالذنب اعظم..

*توفير النشاطات المختلفه و المتنوعه المناسبه لسن المعتدى عليه و الترويح عنه باكبر قدر ممكن و احاطته بالحب و الرعايه و الاهتمام و اظهار الاحترام و التقدير له في محاوله لتشتيت ذهنه عن التحرش و صرفه عن التفكير فيه

* الانتقال من السكن ان امكن ذلك..تغيير المكان يساعد الطفل على النسيان و إكمال حياته بشكل طبيعي



لماذا لا يتكلم الطفل اول ما يتعرض لتحرش او اعتداء؟





اول الاسباب ...الخوف

•الخوف من المعتدي

•الخوف من الام و الاب وردة فعلهم كأنه هو المذنب

•الخوف من الاستهزاء به

•الخوف من الاختلاف الي صار بحياته

•الخوف من حدوث مشاكل جديده لو تكلم

•الخوف من فقد من يحبهم



ثاني الاسباب....الحزن

•الحزن على شي اخذ منه بالقوه

•الحزن على فقدان طفولته

•الحزن الخيانه من شخص كان يثق به



ثالث شي؟....تأنيب الضمير

•لانه وافق من البدايه على الاستسلام

•لانه لم يستطيع ايقاف ما حدث

•لانه حافظ على ماحدث سراً



رابع شي... الاحساس بالعار

•لانه شارك في هذا السلوك المشين

•لانه ربما لا يزال يحب من اعتدى عليه لقربه من قلبه (كالوالده مثلاً)

يتــــــــــــــــــــــــــبع