[fajraldin]

عندما تدخل المعلمه
خاصه معلمة الاجتماعيات
وتكون الحصه لها علاقه بالدول العظمى
تبدا تغزل ف امريكا وانها دولة دمقراطيه ومالها
منازع ف الحضاره والتقدم والتطور
الى اخره
فكلمتنا بمره عن هيئة الامم المتحده
فسالتها ليش امريكا ضربت العراق؟
بما انها دوله تتمتع بالدمقراطيه والنزاهه وتحب السلام
وليش لما فرنسا اعترضت وهي تتمتع بحق الفيتو ما اوقفوا القرار
وليش مجلس الامن ما اتصرف تجاه محرقة غزه مواسرائيل عضوه؟؟


قالت اسئلتج حلوه
اسمعي هو عشان امريكا تصقط نظام صدام
واسرائيل مو عضوه بالهيئه
اجبتها
اصقطت نظام صدام وصارلها خمس سنوات بالدوله
تذبح بالناس وتعذب فيهم
وبعدين السجون اللي سمعت عنها بالتيليفزيون
ليش ما تتعاقب عليها حكومة امريكا وما تعاقب شارون ولا بوش وصدام هو اللي اتعاقب؟؟؟؟
قالت حياتي اسئلتج صعبه بس كافي تعرفين انه على ناس وناس



برأي حضراتكم ليش العرب يخفون عن ابنائهم الحقيقه
حقيقة الامور ؟؟؟
ليش دايم نحب امريكا ونشكر فيها وهي اساس البلاوي؟؟؟
شاركوني ارائكم لو سمحتم

تقبلوا تحياتي