والله قهرتيني روواء بس الله موجود واعتمادنا عليه
ثم خلي انفكر كلنه سواء يمكن نلاكي حل
اول شي انتي تركتي الادويه اللي اعطاك اياها الطبيب ام لا ؟؟
ثاني شي لو تجربين الخلطه على جزء كلش زغير من جسمك وتراقبين الوضع عشرة ايام وافضل يكون جزء غير ضاهر واعتقد لوتاخذين دواء للحساسيه اذا كانت اكو حكه لكن قبلها اتمنى من المشرف العزيز والاخ سيد يخبرونا هل دواء الحساسيه مايضر في حالتك
ثالث شي ابدا ماكو اي حكه من استخدمهه سعد
تعرفين هاي الايام والله سعد مخبوص ويدرس وحتى يفوت العلاج عدة مرات ويكول لاتخافين انا زين والحقيقه ماكو اي قشور بس بقيه من الوان في طريقها الى الاختفاء واعتقد اسلوب سعد ياخر اختفائها بعده مليدري شنو هاي الصدفيه واشكد تعيسه
رابعا احنه قلنا كل ما الانسان يياس ويتعب من المرض يروح لطريقة سيد عبد العال يمكن بيها خلاصج من الصدفيه مثل ريحانه الله يديم عليها الشفاء يارب
ابدا لاتتازمين وتزيدين الطين بله.... انشاء الله تتحسنين وشوفي طريقة شفاء جديده من الاخ الاردني جزاه الله بالخير في موضوع اسئلة للصدفيه
تره الحياة رحله قصيره ومابيها شي يسوه نحزن علموده بالصدفيه او بجلد كالحرير النهايه وحده وانشاء الله الشفاء قادم ومن هنا هذا المنتدى
|