[noore_elhuda]

ارجو ياشيخ انك تفسرلي الاحلام بوضوح...
ولكن حابة استوضح منك ياشيخ يا شيخ انا باول حلمة ارسلتها الك لم اكتب جلباب لا كتبت قطعة قماش وهاي القطعة في الحقيقة او بالواقع انا جبتها لامي من العمرة.......فهل في فرق بين قطعة القماش والجلباب.؟ مع انه في احلام اخري حلمت بالجلباب وعرفت انه ستر....
_______________________________
هادا حلم اخر بارك الله فيك
رايت انه انا في بيت عمتي بس بيتها القديم لنه نقلت الي بيت جديد اما الي شفته بالحلم البيت القديم ....(وعلي فكرة عمتي ماعندها اولاد خالص وعمرها بالخمسينات)....المهم رايت خالتي وهية انسة وعمرها 21 سنة رايتها قال جاية من الحج وجايبة معها الي هدية انا الوحيدة الي اعطتني ملف أبيض(اقصد بالملف .ملف اطفال عند لما بلودوا بلفوهم فيه وبكون مزينهم او بكفلوهم فيه فوق الغطا الاول الي بكونوا لفينهم فيه) وكان هادا الملف لونه ابيض ومزين وحلو كتير كتير كتير وكان بياضه ناصع واعطتني لعبة عبارة عن دراجة اظن او شبيهة بسيارة للاطفال ودخلنا بالغرفة فبتحكيلي تاخدي اللعبة ولا الغزالة برضه الغزالة كانت لعبة الا انا بحكيلها لا خلي اللعبة الي هية الدراجة للولد ودفعت الغزالة تحت السرير وقلت وبدي هاي العروس للبنت كانت لعبة عروسة حلوة وتغني اغنية حلوة دينية من اغاني الاطفال الي بتذاع بقناة المجد للاطفال (مع العلم اني انسة ومش متزوجة ولا مخطوبة ).......وبنفس الحلم قال خواتي تنتين جايات من السفر ومعهم شنت وقال فضوهم بشنت تانية وبسرعة عشان الشنت الاولي مش الهم ودخلت امي الغرفة وانا بتفرج عليهم بس جذب نظري انه كانت شنطة وهية بالحلم كانت لاختي اسمها سوسن وهية متزوجة ومعها طفلين وحامل بس انا بتفرج علي الشنطة بس كان فيها اشياء حلوة بس الي جذب نظري كان في مكياج كتير ومن كل الانواع ولكنه هالمكياج كتير حلو حلو حلو واعجبني لدرجة وكان حلو كتير وامي شافته معاية بس انا مابعرف شو امي بتسالني بالحلم اظن عن اللعب فبحكيلها لا انا اخت العروسة بس مابعرف وين راحت .مين اخدها فامي بدور بالغرفة معي فكان في لعب عرايس حلوين بس حجم صغير وانا الي كنت اخدتها كان حجمها متوسط فكانت تحكيلي هاي احكيلها لا وقمت شفت الشنطة والمكياج وصحيت وانا بشوف الشنطة ولكن مالقيت العروسة ..................
______________________________الحلم الثالث جزاك الله كل خير
وهو اني رايت امي تتحمم وكانت عارية ولكن مش بالحمام كان كانه غرفة وفيها دش وهية تتحمم وفي برضه كان كانه نص مطبخ يعني فيه مجلي الي بنوقف نجلي عليه ونضع اواني المطبخ وهيك شي المهم انا دخلت وبدي اتحمم وهية جوة وابتتحمم وكنت انا حاطة علي نفسي غطا خفيف وبحكيلها لسة ماخلصتي انا بدي اروح اجيب من الشجرة ورق واجي اتحمم بعدك بعدين قلت هو انا بدي اطلع هيك وانا هيك لا وكان اثنائها بتصوري بالحلم انه في شجرة وخضرا وكانت علي باب البيت احنا بيتنا النا ملكنا شقتين فوق بعض ولكن بالحلك كان بيتين جنب بعض ومابعرف البيت التاني اظن انه لعمة اخري الي وكان في شجرة المهم انا لفظت اسم الشجرة بالحلم ولكن لما صحيت ماعدت اتزكر بس لفظها علي لساني مستمر اظن انها الريحان او شي يشبه اول حروف الريحان بس اظن اكتر ريحان المهم انا ماطلعت وصحيت وانا بحكي انا خلص بس اتخلصي بتحمم وراكي ..............ومابعرف شو تفسيرها
____________________________
هاي حلمة اخري امي رات نفسها في المسجد وفي صلاة الجمعة وفجأة اجي شخص كله ابيض بابيض ولكن ماشافت وجهه ولكن كان وجهه مش واضح ولكن ملابسه بيضة وحلوة وحط قدامها سبحة او مسبحة هاي السبحة تعجز عن وصفها من كتر جمالها وبيخرج منها نور فامي راحت حاكية للشخص هادا شيل السبحة وخبيها خوف من انه النساء يشوفوها وياخدوها وصحيت وما اخدتها..............

بعرف اني كتيرت بالاحلام والله يعطيك الف عافية ويعينك ويجزيك كل خير ويعينك علي التفسير الصح يارب
وجزاك الله كل خير عنا
نور الهدي ..من فلسطين