بنقطع القش طول 40 سم انا احتجت 33 زوج من العيدان
طبعا بنكون ناقعين العيدان لمدة 10 دقايق (ما تكتروا وقت بعدين بيتغير لون القش وبيصير غامق مو حلو)
هلأ بنجيب الخشبه ومكبس التنجيد وعودين منقوعين
و بنقيس 8 سم على العودين وبنركزه عالخشبه وبنكبس بالمكبس
هيك بنستمر و بنعمل فرق بين كل عود والتاني حوالي 2او 3 سم
( العود مو واحد 2 ما تنسوا )
وبنراعي العدد يكون فردي انا اخد معي 33 جوز عيدان وكل جوز بقول عنه عود
هلا بنعمل جدلة القاعده( من الجهه القصيره)
بناخد العود وبنبعد عن اللي جنبه وبنخله للداخل متل الصوره
وهلأ بنجيب المنظر اللي بدنا اياه
ومتل ما خبرتكم هي مطرزه
عندي قديمه رايحه اقصها والزقها بواسطة فرد السليكون على الخشبه مباشره
وهلا بنجيب عود واحد طويل وبنبدأ النسج
متل الطاقيه إذا متزكرين مره من الخلف ومره من الامام برضه
متل الصور
انهينا الدور الاول بالنسيج ومتل ما انتوا ملاحظين
لانه العدد فردي بيبقى الشغل مره من قدام ومره من الخلف
نضع الخرز ثم نعمل اليدين
هيك خلصت معنا الصينيه بيبقى نحط الحبل المدهب ونلزقه بالسليكون
وهاد شكلها النهائي
وبيبقى الفرنشه يعني تلميع القش واكسابه صلابه اكتر وحمايه من التكسر
إن شاءالله الفكرة أعجبتكن
في أمان الله و حفظه