[maso]

المشاركة الأصلية كتبت بواسطة وســـــــــام*

بسم الله

ياتري فين السؤال رقم 6 لما روحت أعمل شاي طار .. طيب أروح أعمل العشا جايز أرجع ملأيش أسئلة ..

7) ما هى أكثر قضية اجتماعية تحاصر مصر
فى الوقت الحالى وشغلتك كثيراً ؟

القضايا كتير جدا بس حاجة إجتماعية شغلت تفكيري جدا
لما الأخ ميحبش يساعد أخوة ويبيعله الأكل بضعف ثمنه ...
حصلت لما فتحوا معبر رفح كان فيه زي ما بيقول حبيبي أبوإسحاق الحويني وجدنا العجب العجاب .. كان فيه تجار مصريين بيبيعوا كل حاجة للإخوة الفلسطينيين بضعف الثمن ..
لا تعليق ...
ربنا يهدي الجميع
وتحدثوا عنها كثيرا في الجرائد والأخبار ولم يرجع اي منهم عن ما يفعله ...

8) بما ان الهاكر جزء من البرمجيات .. هل حضرتك اخترقت موقع يوماً وإن كان نعم فما هو اختصاص هذا الموقع ؟
دا موضوع ميعرفوش غير واحد بس في المنتدي .. مش عارف هو الموضوع اتنشر ولا إيه .. يارب يكون لسه عند حسن ظني..
حصل فعلا بس زمان .. كانت مواقع امريكية ويهودية وحاجات من هذا القبيل ومعظمهم مواقع اباحية كنا بنحاول نسقطها نهائيا من علي النت .. نجحنا في بعضها وفشلنا في البعض ..
حتي التليفزيون الأمريكي إخترقنا السيرفر ورفعنا منتدي لينا علي السيرفر بتاعهم لحد ما السيرفر بأكملة إتغير وكل مجهودنا في المنتدي طااااار ... كنا بنحاول ندخل علي السيرفر وهي دي المشكلة ولو نجحنا في الدخول بنحزف كل المواقع الإباحية اللي فيه .. كانت أيام وكان الواحد فاضي إنما الان ..

9) ما هى الأسس التى تنوى إن شاء الله تعليمها لأولادك منذ نعومة أظافرهم ؟

ما لم يهتم والدايا بتاسيسي عليه منها حفظ القرأن والعناية بهم للوصول معهم لأقصي قدر من العلم والمعرفة .. وحاجات كتير جدا بس ربنا يرزقنا وإياكم بالذريه الصالحه ..

10) هل هناك سؤال ضايقت حضرتك فيه
إن كان هناك فالسموحة منك

مفيش سؤال دايقني .. أنا بتكلم بكل صراحه وخايف الناس تفهمني غلط ..

11) أين ذهب السؤال السادس ؟

أنا عزمتة علي واحد شاي

اتمنى لك إكمال التحقيق على خير
وإن شاء الله لحظات التحقيق هذة التى تمر بها الآن ستصبح ذكرى جميلة بإذن الله فيما بعد تحن إلى رؤيتها من حين لآخر

فى أمان الله

اختي وسام

الحمد لله إنتهت الاسئلة واتمني يكون التوفيق حالفني أثناء الرد بدون مجاملات ولا أي شيئ ممكن يدايق مني أي انسان

مشكورة علي الأسئلة ..

جزاكي الله كل خير

الباقي بتاع التورتة في التلاجة هفطر بيه الصبح ... محدش يطمع فيه