[بنـ الكويت ــت]

المشاركة الأصلية كتبت بواسطة ansam islam

اختي ازيرا شكرا على الموضوع
اذا كان على المواقف فكل يوم اواجه نفس الموقف الى وهو الاختباء عن صديقاتي او كل من اعرف او من لا اعرف ممن يزوروننا في البيت حتى لا يكتشفو امر مرضي وينظرون الي نظرة اسى وخوف من العدوى وحتى اوفر على نفسي الشرح اللي اواجه ردة فعله باستغرابهم من الحالة
واصعب موقف لمن اروح للحمام العمومي عندنا في بلدي والكل يشوف فيني بنظرة من تحت لتحت او اللي لا تستحي بتشوف عيني عينك حتى اني انا اللي اخجل
وكمان موقفي امام صديقاتي بالشغل لما بنغير ملابسنا بحكم ظروف الشغل لازم نغير ملابسنا حتى لا تتوسخ وهنا اجد صعوبة فانا البس بنطلون خفيف تحت بنطلوني وكنت اتحجج ببرد الجو والحين الجو دا يسخن متا ادري بايش اتحجج وهذا حتى لا انزع ملابسي ويشوفون مرضي رغم انهم يعلرفون بس كلام مو شايفيني...
وموقف الخطاب لما بيجو يخطبوني من والديني والرد بيكون بايخ لاننا لا نقول اني مريضة بنقول اي حجة وما اصعب الموقف علي وعلى والديني
ومواقف عديدة شي اذكره وشي نسيته واللي متاكدة منو انو كل يوم اواجه نفس الموقف وهو الهروب من الناس

لا لاااا ليش جذي الله يهداج
سمعيني حبوبه ..
لاخطبوج لاتعذرولهم باي عذر .. ترى الحجي مايرحم والله ..
مافيها شي لاقلتي انا اعاني من مرض غير معدي ولكنه مزمن
بالعكس ماتدرين يمكن اييلج واحد فيه خير ويعرف ان هذا ابتلاء من الله ويرضا يتزوجج خاصه انه مومعدي
وماتدرين يمكن لاقلتيلهم عن مرضج يتزوجج لانج مارضيتي تغشينه ماسكتي وكتمتي عن المرض !
وحتى لاقلتيلهم انج مريضه ورفضو لاسمح الله .. بالعكس المفروض تستانسين احسن من انه يتزوجج وتبتلشين باجر مايتحمل ..
والله نصيحه من اخت لج مالج شغل قوليلهم موعيب المرض ! بالعكس يمكن احنا احسن منهم لاننا نتآجر ان شاء الله ..
وياما ناس امرضه احسن من ناس صاحين وفيهم خير اكثر منهم ..
جربي الماي والملح وان شاء الله بفيدج وايد