اقتباس:
المشاركة الأصلية كتبت بواسطة وســـــــــام*
نبدأ اسئلة بسم الله
بسم الله
1) كيف تعرفت على ملتقى الشفاء الإسلامى ؟
ملتقي الشفاء الإسلامي بدايتي معاه بكل صراحه وإزاي وصلتلة
انا كنت مشرف في منتدي تاني من اكبر المنتديات علي النت كلها وهو " منتدي محبي لبنان " وللأسف معظم اللي كانو فيه أطفال وشباب صغيرين مكنش بيننا تفاهم نهائيا كل إهتمامتهم كانت بالاغاني والكلام الفاضي وحصل بعض الخلافات وتنازلت عن مكاني بعدها بفترة صغيرة عملت منتدي وسميتة " زامس " كان خاص بالبرمجيات وكل شيئ عن البرامج والكمبيوتر بشكل عام والسيرفر طار لأنة كان أمريكي وشالو السيرفر بالمنتدي وفضلت فترة كبيرة مدخلتش علي منتديات ومشتركتش نهائيا في اي منتدي .. قابلت واحد صاحبي من ايام الكلية من مؤسسي منتدي islamway وتناقشنا في المنتديات والحاجات دي وبعدها قولت انا هبحث عن منتدي اسلامي أشارك فيه ونبدأ في الطريق الصح بعيدا عن اي سيئات ومشاركة طوائف كتير جدا حددت الهدف بعد الصلاه ورجعت البيت بحثت عن مجموعه كبيرة من المنتديات وفضلت المشاركة في منتدي ممكن اقدم فيه الجديد وعشان كدا شاركت في الشفاء الاسلامي والحمد لله كان عند حسن ظني معظم الناس اللي فيه علي درجة عالية من العلم والثقافة اللي مفتقداها معظم المنتديات التانية وهنا الحمد لله كلنا اسرة واحده .. ويارب دايما نكون اسرة واحده
2) كيف جاءت لك فكرة مجلة الشفاء ؟
الفكرة مش جديده بالنسبة ليا انا بكتب في مجلة الصدا الإمراتية وكنت عامل مجلة للكمبيوتر ايام منتدايا القديم وخلاص معتش قديم لأني حاليا رفعتة من جديد والمنتدي اشتغل تاني الحمد لله فالفكرة موجوده دائما معايا وبحاول انفذ فيها بقدر الإمكان بس لازمها فريق اعداد وتنفيذ ودا اللي افتقدناه هنا في المنتدي الناس مشغولة ومش فاضية للمجلة ومحدش تقبل المساهمة في الإعداد عشان كدا المجلة تم التخلي عنها في الفترة الحالية لحين التفكير في فريق إعداد قادر علي البحث عن الجديد دائما .. وكان حلم جميل ولم يتم الإستمرار فيه للأسف ..
وهل كنت تتوقع التفاعل معها أم لا ؟
الفكرة جيده وناس كتير تحلم بالمشاركة ولكن لم أجد التفاعل والمساهمة من عدد كبير يساعد علي رفع الروح المعنوية .. المجلة عاملة 930 مشاهده ولكن تحميل العدد 50 مرة فقط للأسف..
3) اكمل ما يلى مع التعليل  :
لو لم تكن مصرياً لوددت أن تكون مصريا وبكل فخر
لدي اسئلة كثيرة ولكن!
يكفى ثلاث اسئلة كبداية
ومشكور مسبقاً على الاجابة
اتمنى ان تكون الاسئلة خفيفة
خفيفة طبعا وحتي لو تقيلة زادتني الاسئلة شرف الرد عليها
واتمنى لحضرتك قضاء إقامة طيبة وسط أخوتك الكرام
قد اعود أو لا أعود مرة آخرى  حسب الظروف إن شاء الله
 فى أمان الله |
في أمان الله ورعايتة .. حفظك الله .. وجزاكي كل خير علي مجهودك الرائع بالمنتدي