[محبه للجنه]

بسم الله الرحمن الرحيم
السلام عليكم ورحمة الله وبركاته
صاحبة الامتيازات صاحبة أرق الكلمات
نجمة فلسطين
أحببناك لطيبتك وبلدك أولا ومشاعرك الرقراقه الحنونه
بسم الله ما شاء الله دايما بتفاجأينا ببمواضيعك الطيبه دائما والجديده
مممممممم قد ذكرتي أن لمصر أكله شهير وهيى طبعا .......... الكشري
والله بينى وبينك ما أكلتها من زمان ونفسي فيها
بس هقولك مقاديرها وطريقة تحضريها
بسم الله نبدأ
المقادير :

- 1كوب عدس اسمر ..... جبه بقشره
-1كوب أرز مصرى
- 5 بصلات مقطعة حلقات
-3حبات طماطم
- ملعقة صلصة
-مكرونة مسلوقة بجميع أنواعها
-ثوم
-ثلث فنجان خل أبيض
-فلفل حار أو رومى
-حمص مسلوق


طريقة التحضير :

- أولاً : تحضير الصلصه -

* نقوم بدق فصوص الثوم مع الفلفل ويحمر فى كميه مناسبه من الزيت
* نقوم بعصر الطماطم و توضع على الثوم مع ملعقة من الصلصة
* يوضع عليهم الخل و الملح و الفلفل و يترك على نار هادئة حتى تتسبك ( تصبح ثقيله ومتماسكه ) .

ثانياً : تحضير الكشري -

* يسلق العدس نصف سليق
* يحمر البصل فى الزيت حتى يصبح لونه بنيا
* يوضع الارز المغسول على الزيت و معه العدس و يقلبان ويوضع عليهم الملح و يغطى بالماء و يترك لينضج
* تشوح المكرونة فى قليل من الزيت مع الملح و الفلفل الاسود قبل عملية التقديم مباشرة .

ثالثاً : طريقة الدقه

الدقه هي توابل تضاف على الكشري وتعطيه طعم مميز .

* يدق خمسة فصوص من الثوم .
* نضيف عصير ليمون بمقدار ليمونتين تقريباً .
* نضيف خل و ملح و كمون و فلفل أسود
* تخلط جميع المقادير السابقه جيداً ببعضها البعض .

لا ننسى أن طريقة التقديم لها عامل كبير .. نضع المكرونه ثم الأرز ثم العدس الأسمر ثم بعض حلقات البصل حسب الرغبه ثم

الحمص وعليها الصلصه ثم الدقه .
وممكن لو حابه تقلي قليل من البصل المبشور بس تخلى لونه زهبي وممكن تضعيه للزينه على الكشري فى نهاية الطبق
بس بجد طعمه خطير ولذيذ
شوقتونى له
ان شاء الله أشتريه او أعمله
وبالهنا والشفا
وان شاء الله مستنين باقي الاطباق الطيبه بتاعة أخواتنا الى فى البلدان العربيه الشقيقه
وعلى فكره انا بحب المقلوبه وبنعملها فى مصر بالباذنجان ولو عاوزه اقولك طريقتها وتحضريها
فى امان الله
وأتمنى التوفيق لكم ان شاء الله