[بصيص أمل]

السلام عليكم و رحمة الله و بركاته

بداية الموضوع أنا توي اليوم أشوووف هذا المنتدى
و بصراحة أنا فرحت واجد موب لشماته
أنا أدري إن ناس واجد يا كافي الشر مصابين بالصدفيه بس أول مرة أشوف أحد

او أسمع عن أحد بصراحة أنا احس بالتخفيف لأن فيه ناس اسمع تجاربهم و مهم لهم تجارب مثلي

أدري احس كلامي مشربك .... بس بصراحة كنت أظن اللي بعانون من ذا المرض "الله يشافينا منه"

ما يحبون يتكلمون عنه لأن بجد يضيق النفس

أنا عمري 19 و صار لي 11 سنه مصابة بالصدفيه و تعبت مع رحلة العلاج اللي ازدادت سوء في السنتين الأخيريتين
أكره أتكلم عنه و أكره أحد يسألني عنه أحس يحرجني أو معرف أعبر كيف

وتعبت معه كثير أحلم أنام يوم و أجلس و ما ألقاه تعبت منه كل شي جربت حديث و شعبي

و آخره الحين استعمل علاج الحلبة مع زيت الزيتون و ما عندي أي مانع إني أجرب أي شي مضمون
دخلت في البداية للمنتدى عشان علاج الوريد لكن لما قريت التجارب غسلت يدي بماي و صابون
قبل فترة موب طويلة جربت علاج بالليمون و زيت الحبة السوداء بالنسبة لي حسيته فعال
بس موب لحالتي لأن يشد الجلد و يشققه و يسبب جروح
أول شي جربته في راسي لأن نصف الهم فيه حسيت إني حاطه تيزاب ما قدرت احتمله
جربت كريم لعطار محله فيث القصيم و الدمام يروح و لكن يرجع بعد فترة
و بالنسبة للمحل اللي قال عنه الأخ بوسطن أعرف محل في الطابق الثاني من الجمعه سنتر المحل ز
جربته و لكن بعد فتره يرد لك الصاع عشرة و أعرف الغير غيري مجربينه
بس مدري إذا هو نفسه اللي تقصده

بالنسبه للشعر الصدفيه تسبب تساقط للشعر بالذات الصديدية أنا أقص شعري بالدايم قصير أحسن لحالات العلاج

((الوالد أخصائي جلدية))

وعذراً على الإطالة و الإسلوب الإندفاعي

و إن شاء الله أفديكم بإذا في تحسن بالزيت الزيتون و الحلبة

و الله يشافينا يا رب من الداء و من كل داء