[عاشقة فلسطين]

وعليكم السلام ورحمة الله وبركاته



اليوم دخلت المنتدى لأجد مفاجأة رائعة جدا


لأجد كرسي التحقيق مشع بنور أختي الغالية الجالسة عليه

ضيفة رائعة جدا

نور بمرورك يا نجمة

متميزة بحكمتها ورشدها وتفردها بكل شيء
إنها تملك روحا رائعة جدا

تسلمي يارب





واسمها عاشقة فلسطين

محبة للجمال

ذواقة من النوع البراق
لذلك أشكر مراقبتنا الكريمة ملاك النور لأنها أحسنت الاختيار كعادتها
فضيفة الكرسي إنسانه هادئة بتواجدها ولكنها لامعة بحسن فكرها

أتمنى أن تكون كلماتي القليلة جدا قد وصفتك ولو بشكل قليل

يا صاحبة التميز الهادئ والفريد

بجد احرجتيني بكلامك تسلمي حبيبتي
يارب اكون عند حسن ظنك

اسمحي لي ببعض الأسئلة الغير مقيدة بجواب لكِ
لأترك لكي مجالا لخيالك الواسع








وأتمنى أن لا أكون ثقيلة عليكِ


لا أبدا ولو......
* عندما نشاهد الأطفال يلعبون ونسمع ضحكاتهم .. ونشاهد ألعابهم تحرك بداخلنا شعور الطفولة .. فماذا يجول بخاطر عاشقة فلسطين عندما تشاهد الأطفال وألعابهم؟؟؟

اسمحيلي احكي بلهجتي لأني مليت من العربي صراحة. أنا كتير
بحب الأطفال وبس اشوف طفل بيضحك بفكر ،، كيف الإنسان
بهالمرحلة من العمر بيكون على قدر من البراءة والطهارة والنقاء ،،
بتلاقي الطفل أي شي بيسعده لو كان شوكولا ،،
وبالمقابل سهل تأثري عليه وعلى مشاعره ،، وببساطة بتكسبي
الطفل ،، وبيكونوا كتير طيبين ومتسامحين بثواني بينسوا اختلافهم وبيرجعوا يلعبوا ،،بس اشوف هيك بفكر ياريت لو نكون متلهم ،،
وأحلى ما فيهم انه قد ما كانوا أذكياء بيضلوا ما بيفهموا كتير شغلات
بتمنى انه ما نفهمها احنا بس ما بيكون بكيفنا ،، ما بتلاقيهم بيعرفوا
معنى الظلم أو الكذب أو الغدر وشو ما صار بيضلوا يلعبوا ويضحكوا ،،
ومع هيك مستحيل تقدري تخدعي طفل قد ما كان صغير اذا ما
كنتي بتحبيه لأنه بيميز إذا كان الشخص بيحبه بجد او لأ وبتلاقي
بالنتيجة بيحب الشخص اللي بيحبه وبيبعد عن التاني ،،
شو اللي بيصير لما يكبر ،،،،،، هاد اللي ما بعرفه ليش بتتغير
النفسيات بهاي الصورة ؟؟؟
* أحيانا بتمنى اكون مكانهم وأحيانا بيصعبوا علي بيكونوا
بيضحكوا وبيلعبوا ومش عارفين شو مستنيهم وقدامهم طريق كتير
طويل بالحياة ليمشوا ويتحملوا مسؤوليات ويفهموا كتير شغلات ،،
وبفكر كيف وهم صغار ما في كتير فرق بينهم بس يكبروا كل واحد
بيلاقي حاله ببيئة مختلفة وقدرات مختلفة وبتلاقي حدى ناجح والتاني لا ،، واحد طيب والتاني لأ . وأخيرا بتمنى لهم يكبروا ويتربوا ببيئة صالحة ،، ونشوف جيل جديد رائع ومميز وقادر على النهضة ....

* على فكرة حبيبتي انا كتير بحب هالنوع من الأسئلة بس مشكلتي
اني بفكر كتير وبتأمل كتير وبوصل لبعيد فالله يعينك على إجاباتي






* عندما نكون متضايقين بحسنا .. نسرح بخيالنا لعالم نملكه نحن فقط.. نفكر بما نحب وقتها .. فماذا يحدث مع عاشقة فلسطيني عندما تضيق بها الأمور وتصعب عليها أحيانا أين تسرحين بخيالك؟؟؟

ما بسرح بخيالي،، ببقى افكر في اللي انا فيه عشان اوصل
لحل،، بس أحيانا بكون زعلانة لدرجة مش قادرة أفكر بشي فبحاول
اهدى مع نفسي وأتخيل كيف رح يكون الوضع لما تنحل المشكلة
او يزول سبب الضيق وانه خلص كل شي حيكون تمام

* رموز الأرض تعني لبعض منا الحب والمشاعر .. كالبحر والقمر والسماء والأزهار والفراشات والجبال..و..و..

فعندما تتذكرين من تحبين كبلدتك مثلا أو شخص غالي عليكِ بعيد عنك .. فبماذا تفكرين .. القمر .. النجوم .. البحر .. الفراشات ..أم الأزهار .. أم ماذا ؟؟

انا عندي مش هيك ،،لما بتذكر شخص غالي مثلا،، بيكون كل بالي في الشخص نفسه هو شو بيحب ، شو بيحكي، وكل التفاصيل فبيكون ذهني خااالص مع الشي اللي بتذكره ما بيدخله اي رمز تاني


إجعلي قلمك يخط أجمل العبارات وينقل لنا أجمل المشاعر يا عاشقة البلد الحبيب فلسطين



المعذرة غاليتي فليس لدي الوقت لكتابة خاطرة الآن ولا حتى كلمات
منمقة ولا يمكنني أيضا أن أكتب اي كلمات على عجلة فلن تكون
معبرة وجميلة.

أتمنى أن لا أكون ثقيلة عليكِ غاليتي..

مع تمنياتي لكِ بتحقيق موفق إن شاء الله

وحياة مليئة بكل السعادة وربي يحقق لكِ كل أمانيكِ
أحبكِ في الله ..
دُمتِ بحفظ الله ورعايته ..

رائعة كما أنتِ دوماً

سعدت بمرورك وأسئلتك

في أمان الله غاليتي