[نور]

السلام عليكم و رحمة الله و بركاته
سأعيد لكم هنا ما كتبته قبل قليل في موضوع عن ( كرهكم لبعضكم )
و هو نفس الكلام موجه لجميع ( من يحمل حقدا ) تجاه ابن الدم الفلسطيني الآخر
بما أن البعض يرفض أن يكونوا أخوة لكم
هذا هو ردي أورده هنا

عشان ما أطول هذا كان ردي قبل قليل :

السلام عليكم و رحمة الله و بركاته
جمعة مباركة يا ابناء فلسطين

شو رأيكم يا أبناء بلادي ، نضحك على حالنا نحن ( الفلسطينين )
أحسن ما نلاقي الناس عم تضحك علينا
و بيكفي اليهود اللي عم يضحكوا علينا ، و عم يشغلوك بالقال و القيل و الفتن و الحقد و تفتيت قلوبكم بحبكم لبعضكم
و أنسوكم كامل فلسطين ، و لم تعد فلسطين بالنسبة لكم إلا غزة و الضفة
و لم يعد أبناء فلسطين إلا موال أو معارض لحماس و فتح
و اليهود عم يضحكوا و يقهقهوا كمان ، و عم يقوموا بما يقومون به في المسجد الأقصى و مقدساتنا الدينية
و أنتم بما تفعلون تقدمون لهم يد العون على طبق من ذهب
خليكوا زيدوا الحقد بين بعضكم
و زايدوا على حب فلسطين الواحد مع التاني
و على فلسطين السلام لأنكم إن لم تحبوا بعضكم ، ففلسطين لن تحبكم و لن يحبكم أحد
إن لم تكونوا يدا واحدة كاخوة و أبناء الدم الواحد والبلد الواحد
يعني اللي في الخارج رح يحبوكم اكتر
يعني إن كان امريكا أو إيران أو فلان أو علتنا مع فصيل دون الآخر
فكركم بيحبوكم أكتر من أبناء الفصيل الآخر

يا ريت تهتموا بدروسكم أكتر و تحاولوا تفهموا منيح شو اللي عم يصير
و ما حدا يحكي بمشاعره ، فكروا بعقولكم فأنتم ابناء امة إقرا
لا تتراكضوا وراء ألوان الأعلام
بل تراكضوا وراء الدماء التي تجري في شرايين الأخوان لكم يا ابناء البلد الواحد

حسبنا الله و نعم الوكيل
شو يحكي الواحد ، ملينا منكم و من كلامكم و اخباركم
صار قسم الأقصى الجريح
هو قسم التجريح لأبناء فلسطين الواحدة
صار قسم الحقد و الكره بين فتح و حماس
صار القسم ينزف من أخباركم

الله يهديكم و يهدي قوادكم للصواب
في امان الله و حفظه