[بسمة شهيد]

المشاركة الأصلية كتبت بواسطة ابو كارم

ويا ريت كل هالحشود جابت فايدة

المشاركة الأصلية كتبت بواسطة ابو كارم

الريس موجود وحرم الريس موجودة وابن الريس موجود ووزير الدفاع موجود ووزير الاوقاف موجود والمفتي موجود ثم ماذا بعد :
هزيمة نكراء للأهلي 3 -1
أظن الخلل فى القيادة ... قياة تعبانة معيشة الشعب على الاوهام إلهم عامين بيقولوا نحن أبطال أفريقيا ثم ماذا حصل هزيمة نكراء ( ويا شماتة زيزوو فينا ) ويا سواد وجوهنا من السيد العقيد

إن كانت القيادة وبحضورها خسرنا معركة الكورة على مستوى أفريقيا متمثلة بتونس الشقيقة فما بالكم لو قامت هذه القيادة باللعب فى كأس العالم ووقعت مع الانسة الرقيقة إسراطين (هاى دولة جديدة من قاموس السيد العكيد)
أكيد الهزيمة واردة بنسبة شعبية القيادة 99.999% والواحد من الالف هو الحل فما هو الحل

السلام عليكم ورحمة الله وبركاته

هلا والله اخي في الله (أبو كارم ) زي ما قلت قبل كده كان بودي ابتدي برد حضرتك في الاول عشان واضح انه ردك نابع من غضب واضح بالالفاظ والعبارات ....ليس على الكورة فحسب بل ويمكن على حكومة اللي بيلعبوها

خليني اقسم التعقيب على حضرتك شقين ....

أولهم شق رياضي بحت: (على قدر معرفتي القليلة باحكامها ولو اني ضليعة في متابعة المبارايات )

والشق التاني : لمحة سياسية بعيدة للموضوع

وسامحني الكلام هيكون مطول حبتين

الشق الرياضي :

اكيد حضرتك تابعت الماتش من كلامك بس حكاية الريس وحرمه وطقم الحكام اللي موجود مالوش علاقة بالمبارة دي شكليات بحتة بدليل أننا فوزنا بكاس افريقيا من سنتين (بضربات الترجيح وبرده الريس كان موجود ) ....لو حضرتك كنت شفت الدورة

وبعدين مش عارفة ليه حاسة انه حضرتك فرحان لخسارة الاهلى الشقيق ولا تونس بس هي اللي شقيقة


*ما تخليك حيادي وروحك رياضية أحسن برده عشان ما تزعلش حد من الطرفين ....ولا إيه رايك

أما الحكم المغربي (الشقيق ) فاقام احد رجال الاعمال المصريين ضده اتهام بعد ما احتك بيه في المبارة واتحولت القضية للنيابة لما ساله المصري بقوله : انت ما حسبتش لنا ضربتين ترجيح (واي حد بيفهم كورة وشاف الماتش كان شاف الظلم في الضربتين)

الحكم المغربي الشقيق : لا انا ما حسبتش ليكم ست ضربات ترجيح (طبعا دي تريقة واستفزاز ليس الا لانهم ما وصلوش العدد ده ) ...وكمل كلامه بقوله ....: هو انتو المصريين عايزين تفوزوا بكل حاجة .....(شفت النفسية الكاروهات )

هسيب لك التعليق بخصوص النقطة دي لو تحب تضيف شيء

وللاسف هو نال من الكلمات ما تكفيه (وان كانت مخالفة تماما للاخلاقيات الرياضية ) بس هتكون وساكم على صدره وقت اعتزاله مارس الجاي

نيجي للشق السياسي بالموضوع :

يتبع ان شاء الله