اقتباس:
المشاركة الأصلية كتبت بواسطة خارج التغطية
برينسس
كيف تعمل هذه الخلطة ؟؟
وهل هي تؤدي الي نتائج جيدة تغني عن العلاج باذن الله ؟
اتمني منك الاجابة ...
|
السلام عليكم ورحمه الله وبركاته
اخي في الله ... خارج التغطيه ...
اهلين فيك من جديد في موضوعنا المتواضع ...
ونورتنا ....
بالنسبة للخلطه ... انا حطيتها في مرفق في صفحه رقم 4
وصورة توضيحية لعلبة جوز الهند في صفحه رقم 5
اخوي على شان اسهل لك الموضوع ....
الخلطه تتكون من شيئين ....
1_ثوم ( راس كامل- إلي فيه كذا فص-) وتقعد تدقهم لين ينهرسون ...
2_ تشتري علبة جوز الهند الأصلي مكتوب عليه بخط كبير CBC
وصورة لجوز الهند ...
وهاي صورة للعلبة عشان تسهل عليك الأمور ...
الطريقة :
بس حط الثوم مع زيت جوز الهند (استخدمه كامل) على ناار هاادية لين تحس انه سخن شوي... اتركه على جنب لين يبرد ع رااحته وبعدها بمصفاة عادية(نحن انسميها مشخله) صفّي الناتج ...
واتحفظ فيه بزجاجه فاضيه وبسسسسس
............
بالنسبة لسؤالك ..
انا مثلي مثل أي شخص هناك يعاني من مرض الصدفية .. واطلب العلاج ..
وسبق وان نوهت هالخلطه كان مقصدها شي آخر ولكني لاحظت إنها لأنها
تأثير ... عمل الخلطه ما راح ياخذ منك إلا دقايق محدوده .. وتتركها تبرد
وتخزنها في علبة زجاج مثلا وبعدها متى ما تيسرت لك الأمور تمسح فيها
جسمك مثل أي زيت تمسح فيه جسمك العملية جداااا بسيطه فووق ما تتصور
لا تخاف من إن الثياب تتوسخ ولاشي .. مجرد تتحمل الريحه .. واظنه
إن ريحة جوز الهند راح تخفف من ريحة الثووم بدرجه مرضيه بإذن الله
وتسخيها على النار وتصفيته إن شاء الله تخفف الريحه ...
وبعدين ماجت على الريحه .. أهم شي إن يكون الأمر ايجابي عندك ...
اتمنى من الله إن النتائج تكون عندك مرضيه ...
انا عن نفسي الآن صيف والصدفية عندي تقريبا ماخده قيلوله ... !
وهذي فرصه لي طبعا إني اسيطر عليها .. والخلطه ساعدتني ...
وربك عالم بالغيب ... للعلم إني ما استخدم اي نوع علاج آخر اضافي !
وانا 4 مرات استخدمت الخلطه ..
ياريت بس اعرف حدة الصدفية عندك ومدى انتشارها ... ؟
وهل هي بقع صغير/ متوسطه/ كبيرة؟
للعلم إنه راح تلااحظ النتيجه الإيجابية من اول او ثاني مره من استعمال
الخلطه لو كانت أقرب للحجم الصغير ... والله الموفق
توكل على الله
يا اخوي مانت خسران شي إن شاء الله ...
والله إني باغية لكم الخير وودي اسمع إن حد استفاد منه ..
والله راح تشجع نااس كثيرة لو جربتها انت وارتحت لها ... إنت عارف
لما الواحد يسمع إنه كذا شخص ارتاحوا عليه راح يتشجع الغير بعد ..
ولك هالشي في ميزان حسناتك ايضا ..
اسأل الله ان يكتب لنا مافيه خير لنا ....
السموحه إن أطلت في اجابتي ...
<<
اختك في الله
برينسس ...