[بنـ الكويت ــت]

لاحول ولاقوة الا بالله
والله ياخوي عورت قلبي وان شاء الله كله باجره يارب
الله سبحانه رحمته واسعه وسعت كل شي
كافي ان ربك معاك صدقني هالشي يكفي .. وفي حديث للرسول عليه الصلاة والسلام انا ماذكره بالضبط بس بما معناه ان المسلم يثاب على الشوكه التي يشاكها فمابالك انت مريض بمرض مزمن كله تفكير ذنوب ان شاء الله
ولاتنسى ان الله اذا حب عبد ابتلاه .. فـ هنيئا لكـ بحب الله (;
شوف اخوي شرايك تبدي اب برنامج بما انك بالرياض شرايك تروح عمره لو 3 تيام فترة نقاهه وتحسين للنفسيه
اقعد ابيت الله ادعيله من كل قلبك ابجيله وتذلله واكثر من السجود له .. واشرب هناك ماي زمزم " ماء زمزم لما شرب له " وتضلع فيه اي حاول تحس انه وصل لي ضلوعك وادعي من كل قلبك ان الله يشافيك وحاول تقرى فيه قران وتتغسل فيه غسل الاماكن المصابه فيه كافي ان شوي بارد وفوق هذا ماي ان شاء الله فيه شفاء كل مره تغسل فيه صدقني بتحس براحة نفسيه ..
بعدها شرايك نبدي نشرب شغلات تقوي المناعه انا وياكـ اخوي ها شرايك ؟؟
شوف الله يسلمك يعني على يوم حاول تاكل عالريج عسل وحبة البركه ويوم ثاني اذا حاب تغير حاول تاخذ حبة البركه وتحطها بماي حار تسوي منها مثل جاي " شاي " .. ومره حاول تشرب زنجبيل مع حليب او اي شي بجذي نقوي مناعتنا شوي .. وحاول تخصص يوم بالاسبوع تشرب فيه 3قلاصات " كاسات " ماي عالريج عشان تنظف وتغسل المعده " كل هالشغلات من الاخ فكري جزاه الله خير ماقصر "
الحين بدينا نقوي مناعتناا بعد مانتوكل على الله طبعاا
بعدهاا شوي ريح جسمك من الادويه والكيماويات وليش مانبدي بعلاجات طبيعيه انا مره قريت عن شراب العرقسوس مع الفازلين تخلطهم وتدهن فيهم انا صج ماجربته بس ارتحتله صراحة لان احسه شي سهل والفازلين حلوو وحتى اتوقع يفيد الصدفيه شوي ..
او اذا كلش كلش اخذ فازلين واقرى عليه او خل شيخ بالحرم يقرى عليه وتدهن فيه .. اعرف وحدة اخوها فيه صدفيه يابوله فازلين مقري عليه وتشافى ولله الحمد .. بس اهم شي نفسيتك ياخوي
فكر فيها الدنيا ماتسوى نتضايق ونتعب عشانها باجر ماراح ناخذ معانا الا اعمالنا والحمدالله الصدفيه تكفر الذنوب ..
وصدقني من كل قلبي بدعيلك ياخوي
يعل ربي يشافيك ويعافيك ويخفف عنك ويصبرك يارب
وصدقني تعبك ماراح يضيع هباءً منثورا ..
اسفه عالطواله والقرقه بس والله ماحبيت اشوف اخوي بهالحاله واظل ساكته وماسويله شي

إختكـ في الله
بنت الكويت