[عاشقة فلسطين]

جزاك الله خير أخي..

لو تسمح لي بإضافة بسيطة من تجربتي في الدراسة ..

مهم كتير للتفوق الاعتماد على النفس حتى لو ما توفرت ظروف جيدة ..مثلا في بعض المواد بيكون بدها تركيز كتير أثناء الشرح ولكن بيكون الجو فوضى بسبب بعض المشاغبين فالطالب لو حكى خلص ما في فايدة رح يخسر كتير..الواحد لازم يعتمد على حاله في الفهم وفي الشرح وفي الدراسة..

وكمان لازم يبعد عن الناس المحبطة اللي بتحكي عن كل شي صعب وضغط وما في وقت ومن هالحكي..

وأخيرا مهما صار الواحد مو لازم يصيبه اليأس لأي سبب كان حتى لو فشل ..أو ما كان عنده استعداد كافي للامتحان ..أو حس للحظة انه مو فاهم شي ومو عارف شي ..لازم الواحد يكون عنده ثقة بربه أنه (لا يضيع أجر من أحسن عملا )..وبنفسه انه قادر يتفوق ويحقق أعلى المعدلات..

والصلاة والدعاء والاستغفار بتزيد من التحصيل العلمي..وكمان عوامل أخرى منها الهدوء والراحة والنوم فترات كافية والتغذية السليمة وأنا قرأت انه المكسرات عامة واللوز خاصة بتقوي الذاكرة..وبالنهاية الله الموفق..

آسفة أخي على الإطالة ..ويعطيك العافية..