[اسماء 86]

أول نعمة



إنك عبد الله



حد مننا شكر ربنا و حمد الله تبارك و تعالى على هذه النعمة
إنكِ عبد لله أمة الله ربنا وحده بس هو اللي يأمرك قلبك مرتبط بالله عز وجل تعرفوا أن القلوب أصلاً فطرت على حب الله عز وجل ؟!! عشان كده لو أي واحدة حبت أي شيء أو شخص لازم تجد شقاوة في هذا الحب لازم إلا إذا ربطته بالله سبحانه و تعالى !

طيب أحنا بنشكر ربنا على هذه النعمة أزاي ؟؟!!
شكرك لله على هذه النعمة هي بطاعتك له سبحانه و تعالى !
بمعنى الله سبحانه و تعالى يأمرك بأمر عليكِ السمع و الطاعة
مش لأ !! و ليه!! لأ أصل أنا مش مقتنعة صراحةً؟؟!! و هو لازم؟؟ طيب هي مش سنة ؟!! طيب هي مش فرض يبقى خلاص !!!!

أحذري أختي في الله من ختم القلوب أحذري أن يختم الله على قلبك بسبب عصيانك و عدم سمعك لقول الله تعالى و عدم تنفيذه

حاجة جميلة أوي إنك فعلا تستشعري أنك عبد لله أحساس رائع و الله لا يفوقه أي أحساس فعلاً جربتي يا أختي تعيشي أنك أمة لله سبحانه و تعالى ؟؟!!!

تقفي تصلي لله كده بإنكسار و قلبك حاسس فعلاً إنك أمة لله أنك بتصلي لله عشان ربنا فرضها عليكِ أنك في خضوع و ذل و إنكسار لله وحده
أصلاً أحساسك بالخضوع و الذل و الإنكسار لله ده نعمة في حد ذاتها و تحتاج شكر خاص بها نهائي !!

أختي أنتي عايشة على أنك أمة الله بجد و فعلاً ؟؟!!

طيب أيه برهانك على كده ؟؟

طيب هتستشعري هذه النعمة من الآن فصاعداً ؟!!

هطبقيها بجد هتنفذي أنك أمة لله ؟؟

لو جالك أي أمر شرعي ستقولي سمعاً و طاعة لأمر الله تعالى ؟!!

و لا مممممممممم طيب هفكر و لما أقتنع هعمل الأمر ؟!!



أختي أمة الله لا تترددي و رددي مع المؤمنين

{ َقَالُواْ سَمِعْنَا وَأَطَعْنَا}