[نداء الفجر]

سبحان الله وبحمده... سبحان الله العظيم

أحبتي في الله:
سأل أحد الدعاة في يوم سؤال جميل جدا, سؤال يحتاج الي كل منا ليجيب عليه......

قال: لو بلادنا...لو امتنا...لو ديننا حبيبنا ده احتاج للشباب من سن 18 الي 25 سنة تفتكروا نلا قيهم فين؟؟؟؟؟؟؟

تفتكروا يا شباب نلاقيهم فين؟؟؟

إسمحولي أقول أنا؟

ممكن علي المقاهي.....؟أو علي النت.......؟ أو في الكا فتيريات......؟أو سهرانين مع الفضائيات.....وبالتالي نايمين طول النهار؟

طبعا أنا ما كنت أنا لأحرم هذه الأشياء فكل شيء خلق من حولنا حلال .ولكن هل احنا استخدمناه كما ينبغي؟؟؟ولا لأ؟
هو ده السؤال ..

المقاهي مش حرام بس الشباب لما بيقعد فيها يا تري بيقول ايه؟؟؟ يا تري بيعمل ايه؟؟؟

الشباب لما يدخل نت يا تري فعلا بيستفيد من هذا المجال الفسيح الذي أعتبره عالما آخر أو كونا جديدا من حولنا؟؟؟؟؟

الشباب لما يسهر طول الليل يا تري بيسهر يقيم الليل ولا......؟

يمكن بعضكوا دلوقتي يقول:

وبعدين بقي في وجع الدماغ ده احنا نقصينك... يا سيدتي احنا بنفك عن نفسنا ..... ترفيه يعني.

أنا معاكوا طبعا ان احنا محتاجين نفك عن نفسنا....بس هل ده الوقت اللي ممكن نفك فيه عن نفسنا؟

هل ده الوقت اللي يسمح لي ولك ولغيرك اننا نتسلي؟

يا تري فكرنا لحظة واحنا بنفك عن نفسنا في شباب العراق؟ في شباب فلسطين؟ في أطفالهم؟في أمهاتهم في شيوخهم؟فكرنا ازاي الناس دي بتفك عن نفسها؟؟؟؟؟؟؟

تفتكروا قلوبنا كمسلمين لو سبناها تفكر من غير ما نفرض سيطرتنا عليهاممكن انها تنسي الناس دي؟

يا شباب احنا مسلمين .......عملنا ايه للاسلام؟ضحينا بأيه للاسلام ولربنا؟؟؟؟ده حتي الدعاء بخلنا بيه ....

يا شباب سيدنا مصعب ابن عمير ضحي بماله وشبابه واهله ونسبه عشان الاسلام........ضحي بعمرة عشان ينقذ رسول الله...مات ولم يكن يمتلك ما يكفن فيه بعد أن كان من اثرياء القوم.

أنا مش بقول نقوم كلنا نروح نحارب ونموت ........
بس بقول نقرب أكتر من ربنا...بقول نذكره اكتر...نخشاه أكتر.....نصلي أكتر......نصوم أكتر ......نستحي منه أكتر....نتودد اليه أكتر......عشان لما نقول يارب ارفع عن بلادنا البلاء يجيب......لما نقول يارب حرم جلودنا علي النار يجيب.....لما نقول يارب قنا عذاب القبر وظلمته يجيب.......لما نقول يارب أسبق بنا الفتن يجيب.........لما نقول يارب قنا فضيحة العرض عليك يجيب.....لما نقول يارب لا تؤاخذنا بما فعل السفهاء منا يجيب ....يجيب يا شباب.

اسمحولي أسأل سؤال (ولله المثل الأعلي من قبل ومن بعد )لو انت طلبت من أخوك ..من صديقك..من أي حد تعرفه عمل شيء ليك والحد ده نسي أو ما عمل الشيء ده ايه بيكون رد فعلك؟ وانت ما قدمت له شيء أكتر من حاجات أي عبد ممكن يعملها.

فما بالك لما رب العباد يطلب .لما رب الكون ومليكه يأمر وما من مجيب؟كيف بيكون غضبه؟ ومع ذلك ما خسف بنا الأرض ,وما ارسل علينا ريحا صرصرا عاتية , وما أرسل علينا صيحة,وما أهلكنا.

أما نستحي منه؟أما نعود اليه؟.............

ايه رأيكوا نسأل نفسنا تاني ونعيد التفكير في أحوالنا في حياتنا , نحاول نصلح بعض الاخطاء والعيوب , يمكن لو احنا بدأنا ربنا يستجيب لينا ويفرح بينا يمكن نكون احنا السبب في تحرير بلاد المسلمين....أيوه ليه لأ ما في شيء بعيد طالما الأمل والعزيمة موجودة

بس نبدأ احنا.

وأخيرا وليس آخرا لا تنسونا بالدعاء.......

اللهم أعز الاسلام وانصر المسلمين
آمين...آمين.....آمين.


لكم مني أرق الأمنيات
نـــ الفجر ـــداء