[رياض الصالحين]

بـديـنـا بـاســم خـــلاّق الـعـبـاد وعـالــم الـنـيــات=الــــه لـطـلـبــه الـمـطـلــب مــاخـــاب طــلابـــه
ومحصي كـل مـا نعمـل مـن الحسنـات والسيـات=نـهـار الآخــره كــل(ن) يعـيـش ويـأخـذ حـسـابـه
احــد يـأخـذ كـتـابـه باليـمـيـن ويـرفــع الـرايــات=واحــد مــن كـبـر ذنـبـه بالشـمـال يـسـلـم كـتـابـه
وانـــا يالله دخـيـلـك لاوصـنــي هـــادم الــلــذات=وقــال الـمــوت سـنــه للـعـبـاد وتـكـثـر اسـبـابـه
ولاتنـفـع مـعـي قــوه ولا تنـفـع مـعــي حـيــلات=ولا يـقــدر عـلــيّ الـلــي يـديــه تـفـتـل اشـنـابــه
وقلت امر الولي ماشـي علـى الخـدام والسـادات=ولا تـعـرف سـهـوم الـمـوت شـبـان(ن) وشّـيـابـه
قبض روحي بعد قضّيت عمري لاخـر الساعـات=ولكـن وش مصيـر العمـر بـعـد الـمـوت و لابــه
طلـع علـم الوفـاه وذاع حتـى علـيـت الاصــوات=ومــن جــاه الخـبـر يـقـول لـيـت الـنـاس كـذابــه
الا يـالـيـت يـالـيـت الـخـبـر مّــجــرد اشــاعــات=ولـكــن الحقـيـقـه جـــت بـعـلــم(ن) ماتـهـقـوابـه
بعـد عـرف الحقيقـه هلـت دموعـه مـن العـبـرات=وقال اقشر خبر ! رجل(ن) عزيز وتعرف انسابه
وشالونـي وودونـي خبـيـر(ن) يغـسـل الامــوات=وقـــال اول عـمــل لازم نـطـلـع كــامــل ثّـيـابــه
وغسّلـنـي بـمـاء وســدر حـتـى تـمّـت الغـسـلات=ونشفـنـي بـثــوب وقـــام يـنـثـر فـوقــي اطـيـابـه
ولبسـنـي ثــلاث ثّـيـاب فــي التكفـيـن معـروفـات=هـــذاه الـلــي نـبــي الله فـــي التكـفـيـن وصّـابــه
وشالوني الى المسجد رجال(ن) تعجل الخطوات=وحطـونـي مابـيـن امـــام هالمـسـجـد ومـحـرابـه
وصل الفرض حتـى مانتهـى مـن آخـر الركعـات=ونــادا للـصـلاه لمـيـت(ن) سـهـم الـقـدر صـابــه
وكـبـر وابـتــدا بالفـاتـحـه واتـبــع لـهــا الآيـــات=وكـبـر ثــم صـلـى عّـلـى رســول الله واصحـابـه
وكـبـر ثــم بـعـده قــام يـدعـي واكّـثـر الـدعـوات=وكـبـر ثـــم سـلّــم عـــن يمـيـنـه ، قـــال شـنـابـه
وشالونـي رجـال(ن) ودّهـا بـالأجـر والحسـنـات=وحـطـونـي بـقـبـري ثـــم هـلّــوا فـوقــي تّـرابــه
وقيـل ادعــوا لميتـكـم عـسـى الله يغـفـر الــزلات=عـسـى الله يغـفـر الــزلات بـعـد الـمـوت قـفّـابـه
وراحوا وتّركونـي وسـط قبـري داخـل الظلمـات=ولا عـنــدي ونـيــس ولاش عــنــدي مـاتـسـلابـه
ولا ياحسـرتـي فــي سـاعـة ماتنـفـع الـحـسـرات=ولا يـنـفـع بـــن آدم غـيــر مـاقــدم ومـــا جــابــه
تمنيـت ارجـع الدنيـا عـشـان اصـلّـح الـلـي فــات=ولــكــن يـاخـســاره فالـتـمـنـي مـنـقـفــل بــابـــه
ولـكــن يـاعـبــاد الله بــلــه كــثــروا الـطـاعــات=قـبـل يــوم الــوداع وتـركـت الانـسـان لاحـبـابـه
الشاعر متعب الحارثي
منقووووول للفائده