[ام نور]

السلام عليكم ورحمة الله وبركاته
مرحبا اختى الطيبة ايمان
قرأت مشكلتك من قبل واعذرينى لعدم الرد السريع
وماشاء الله اختى نهى واخى ابو سيف ما قصروا - ربنا يبارك فيهم-

اختى الحبيبة اعلمى ان الطيبة صفة جميلة فى الأنسان وحرام ان نذم صفة حميدة قد وهبها الله لنا

اما العفوية فهى ليست محببة فى جميع الاوقات ولا مع كل الاشخاص وفيه فرق بين العفوية فى الكلام العادى وفرق بين العفوية فى الكلام الخاص او الكلام الحساس

تعالى للمشكلة الاساسية عندك وهى عدم القدرة على رد الكلام الجارح
لفت انتباهى كلمة قلتيها _القسوة التي يجب أن اعامل بها عينة من الناس _ يعنى انتى عارفة ان فيه عينة من الناس يجب ان تُعامل بقسوة ومع ذلك بدأتى بقسوتك مع اقرب الناس اليك وهى امك

طيب اين هذه القسوة مع من جرحك بالكلام ؟؟؟!!

انتى محتاجة بعض الثقة فى نفسك وبعض الجراءة علشان تقدرى تردى على الكلام اللى مش بيعجبك
واعتذر للأخ ابو سيف والاخت نهى ان كنت خالفت رأيهم فى انك تصمتى عند الكلام الجارح
فالصمت فعلا من الحكمة ولكن الصمت حكمة عندما يكون الرد موجود فعلا.. اما فى حالتك فهو ضعف
وليس كل الكلام الجارح يرد عليه بالصمت لان فيه كلام لازم نرد عليه ونضع له حدود ونتخذ بعده موقف
وانتبهى ان الرد على الكلام الجارح لا يكون بكلام جارح مثله لكن يكون رد بذكاء بحيث تحرجى من جرحك بأدب
ياريت تكونى فهمتى قصدى وتعملى به وتقدرى تردى على اى حد يجرحك بأى كلمة
وبدل ما تنطلقى فى وجه امك بالكلام القاسى اعرفى انها اورثتك اجمل الصفات وربت فيك أجمل الطباع
وهى الطيبة والتسامح