[وردة الخليج]

الدمعه اللي سببت بحر .. الأصوات...... هي جات تـنحر صوت .. ولا رمد عين؟

ياكيف أضم الروح في وقت الإفلات ....... وعيدها بالجوف في قبضة إيـديـن

والا أمثل للمواجع... مسرات ........... في لحظة الموقف .. وأنا بينه وبـيـن!

الليل صبوره والأقلااام : أهات ............. والقلب من فخار .. وجسادنا طيـن

يوم الشجر صابر على الأرض مامات .......و من تحته البركااان .. في طلعه التين

وأنا أنتظر بكره .. وليلي إذا فات ............. بقول ياليل الشقى بات .. ذالحين

تدري وش اصعب ماورثناه .. عادات ........ مانـتـبع المقـفي .. ولا نسأله؟ وين

بس أنت لنك غاليا ً صحت.. ياذات ............... القاعده شذت .. وبالك تـونـيـن

ولاصار عذر الحب طول المسافات ........... وش له يكون الحب .. وأنتم قريـبـين

ولاهي غريبه لو تفوهت .. وناات ............ لكن غريبه لا ذكرتك ...... تحنين ؟

هذي الثواني تحسب العمر .. ووقاات ........ يمر عقرب ساعتي .. ورجع اسنين

الله يسامح فكرة الشعر.. لا جات ........... أسرف على نفسي .. وتسرف علي لين...

أرفض جهات الأرض .. وأسيـّـل ابيات ....... من صدق جوفا ً.. ما سكن فيه قلبـيـن

للحظ كبوه .. وللمحافير عثرات ................ وللغيم: قطره من دُعااء الرياحين

والطيب: من باب الأدب والمروات ............ وابسط مفاهيم الأدب .. في المحبـين

والدمعه اللي سببت قطع الأصوات ............. مدري سبب للشعر .. ولا عمى عين ....