مادة اهدمت حملي وانا حملي يهد جبال
واللي درسونا أناس و الناس طيبين
ماقصروا معنا وعلمونا الإحتمال
وعلمونا كيف نصير مدرسين
علمونا كيف نحل بأنفسنا مثال
ويعرفون إنا بشر في علمهم متقدمين
وحنا علمنا علم مشدود الحبال
ماعدى في الرياضيات ماكأننا متعلمين
مادة في صعوبتها مثل نحر الجمال
مادة ماهي إلى تخلف للمتخلفين
مادة حطمت حلمي واحلام الرجال
وحنا حلمنا يضاهي أحلام الأولين
جالسين في صفنا وصفنا رمز العدال
جالسين في صفنا تحسب إنا محششين
كاملين في عقولنا بس لله الكمال
من كثر ماشفنا صاد وسين صرنا متعذبين
مادة ندعوا لها بالزوال الزوال
وليتكم بس تقولون آمين
ويجيكم الفرج من عند رب الجبال
ويمحوها من عندنا المتخصصين
لكن اعرفوا إن كل هذا محال
ماتنمحي لا من نفسهاولا من المتتخصصين
جالسة في رقابنا وما فيها مجال
لكن حنا قوم لنا لسان ومتكلمين
خبريهم ياقصايد عن صبرنا والإحتمال
خبريهم عن قلم بو خالد إللي تعرفين
عذبيهم ياقصايد واربطيهم ياحبال
اربطيهم وعذبيهم معلمات ومعلمين
عقليهم ياحروف واضربيهم بالعقال
إن نجحنا مانجحنا مغفلين
حنا متعلمين ومتكلين على ذا الجلال
والله يبتليهم في بناتهم والبنين
كتبت أنا هذه القصيدة عن شعور ماهو ارتجال
متأسفين إن تعدينا عليكم يالمثقفين
واختم قصيدتي واقفل أبواب الجدال
وآخر دعوانا أن الحمد لله رب العالمين