[abdelmalik]

الجزء الرابع :

يخبر الساحر القطب الصوفي التائب أن الشيخ حذره في الخلوة من الخوف وذكر الشيخ التائب أن الجن والشياطين تدخل الانسان في أربع حالات وهي الخوف والغضب وكثرة التثاؤب وشرب المحرمات ، ويخبر أنه عمل مع الجن والشياطين 17 سنه وكان تحت إمرته 286 جني برئاسة سهساهوبي ، كما أن شيخه يلبس عليه ويقول له سوف يأتيك في الخلوة ملك وهو في الواقع شيطان ويطلب منه تنفيذ أي شيء حتى ولو كان حراما لأنه وصل إلى علم الباطن العلم اللدني علم الحقيقة هذا تلبيس الصوفية يزعمون الولاية للرحمن وهم أولياء الشيطان و لا حول ولا قوة إلا بالله ، ويحذر الشيخ حامد من أي واحد يقولك لك إني أتعامل مع الجن المسلم لأن هذا شيطان من شياطين الإنس ، ويخبر أن ما كانوا يقومون به من كرامات هي في الواقع من فعل الجن والشياطين ، ويخبر أن الجن لا تعمل لك أي عمل إلا بمقابل من المحرمات ، وأن من وصل لعلم الحقيقة ترفع عنه التكاليف ومنها الصلاة .

نترككم من اعترافات الشيخ التائب:

وتجي تخش قال لي الشيخ : اختار عدد أقل .
قلت له : أنا مصر على 41 يوم .
قال : بتتحمل.
قلت له : أيوه لأني كنت شاب.
قال لي : خلاص إنت اخترت حاجة عظيمة اخترت اختيارات بني اسرائيل .
قلت : بني اسرائيل! أيوه الأربعين وتاهوا وو................
خلاصة المسألة انت هتخش في يوم محدد بيجي يوم بيدخلك الشيخ في الحتة دي والوصاية كالأتي:
أولا : يا ابني هذا امتحان من رب العالمين وأي إنسان ربنا عشان يصفيه ويزكيه ويدخل الجنة لابد أن يمتحن ودي حقيقة امتحان ، ده امتحان تخش المعركة دي واحذر إذا كانت الشغلة دي مو قادرها لا تدخل نفسك في متاهات لأنك إنت إذا فرضت على نفسك عدد معين وما قفلت العدد هتخسر الدنيا والآخرة هتكون مجنون بقولك يا ولدي انت بتختار الشيء إلى بتقدر عليه ومو على كيفك بعد الاختيار والدخول تطلع .
يقول : الشيخ حامد :ده كله تحذير عشان تعمل حسابك وتقلل المدة أنا اخترت 41 يوم .
قال لي :إنت هتخش 41 يوم ما هتطلع إلا في صبيحة اليوم 41 ثم ربنا سبحانه وتعالى في هذه الخلوة يمتحنك بامتحانين:
امتحان أول وهو الخوف : اعمل حسابك يا ولدي ما تخاف .
يقول الشيخ حامد :أي إنسان فينا مجنون و لا عنده صرع الجنونية والمسحور والممسوس والمجنون دول كلهم ما بتدخل الشيطان في جسد أي إنسان إلا بإحدى أربع طرق :
1- الخوف.
2- الغضب.
3- كثرة التثاؤب.
4- مريسة ( خمر سوداني) – بنجو .................
اسئل مجرب لا تخاف إني صاحب تجربة في عالم الجن والشياطين أنا كنت شغال معاهم 17 سنة والمثل يقول:اسئل مجرب ولا تسأل طبيب شغال مع الشياطين 17 سنة أملك تحت إدارتي برئاسة سهساهوبي 286 جني وأعرف الآخرين النائب بتاعه والنائب الأول والنائب الثالث.
على كل الشيخ يحذرني وده التحذير الأول: الخوف يا ولدي لا تخاف.
التحذير الثاني: هيجيلك ملك .
قلت : هيجلي ملك كيف؟
قال : ملك هيوريك اسمه لكنه ملك من الملائكة الروحانيون.
قلت : الروحانيون ملائكة؟
قال : نعم.
قال :هم مو ملائكة عظام وأرفع من الإنس ربنا خلق الملك ده عشان يخدمك .
يقول الشيخ حامد: اسم الروحاني ده المصطلح هو بيقول ملك وربنا سبحانه يقول (وَيَوْمَ يَحْشُرُهُمْ جَمِيعًا ثُمَّ يَقُولُ لِلْمَلَائِكَةِ أَهَؤُلَاءِ إِيَّاكُمْ كَانُوا يَعْبُدُونَ * قَالُوا سُبْحَانَكَ أَنْتَ وَلِيُّنَا مِنْ دُونِهِمْ بَلْ كَانُوا يَعْبُدُونَ الْجِنَّ أَكْثَرُهُمْ بِهِمْ مُؤْمِنُونَ )سبأ40-41.
الروحاني زعيم من الجن لا يخدعك واحد مستهبل معسول الكلام محتال يقولك يا أخي أنا بتعامل مع الجن المسلم إحذر الكلام ده شيطان من الإنس يوحي له شيطان من الجن يقول تعالى (شَيَاطِينَ الْإِنْسِ وَالْجِنِّ يُوحِي بَعْضُهُمْ إِلَى بَعْضٍ زُخْرُفَ الْقَوْلِ غُرُورً) الأنعام.
إنه يزخرف لك القول ويقولك إني أتعامل مع الجن المسلم دول الروحانيون المسلمون ده مستهبل لا يدخلك بورطة ده تأكد أنه شيطان من شياطين الإنس وربنا قال (وَاتَّبَعُوا مَا تَتْلُو الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنْزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ...)102البقرة.
إلي علمونا الشغلة دي شيوخ يشار إليهم بالنبان أولياء صالحين لهم كرامات واحنا كنا أولياء صالحين ولنا كرامات وخلاصة المسألة دي عالم جن وشياطين بتضلل في الناس.
الشيخ بيقولك : ما تخاف ثم الامتحان التالية وافق عليها يا ابني كلمة (وافق عليها يا ابني ) مشكلة رهيبة جدا.
واحد من الشروط هتنفذه أمامه والباقيات عند اللزوم يعني
أما تحتاج لخدمة يخدمك فيها الملك الملك يجبلك شرط من الشروط دي أساسا الشروط دي في علم الظاهر حرام وباطل لكن انت خرجت من علم الظاهر ودخلت في علم الباطن العلم اللدني حق اليقين.
شاعرهم في الخرطوم يقول : وعلم الحقيقة من أباح بسره للغير أهدر ماله بعد الدم لم يستطيع موسى الكليم لخضره صبرا عليه فكيف بالمتعلم .
ده واحد من المستهبلين كان زميل لينا قال بيت الشعر ده بيعتبر ده علم حقيقة الذي يشتغل بعلم الحقيقة منو ؟ محمود محمد طه لأن بتترفع عنه التكاليف ما في صلاة.
خلاصة المسألة بيقولك ده علم حقيقي .
الملك ده لو قال لك حاجة وافق وافق وافق ده امتحان يا ابني شوف موسى عاتب الخضر ؟ لا.

انتظرونا في الأجزاء التالية