[om hassan]

السلام عليكم و رحمة الله و بركاته
اخ عبد الملك الله يعطيك العافية و يقويك على فضح الباطل يا رب
مع اني قريت الجزء الاول كلو و كمان التاني الى تاريخ هالصفحة الا اني رح ارجع اقراهن من جديد لانو فعلا المعلومات دسمة دقيقة و مترابطة ببعضها ولازملها تركيز و تكرار قراءة حتى تثبت الحقايق في الدماغ

للحقيقة انا دخلت ومعي كام شغلة :
خيط توصلت الو ببحثي خلال هالكام يوم بخصوص الماكروبيوتيك و يتصل تمتما بالخيط اللي كمشت حضرتك طرفو عن الماكروبيوتيك ايضا انما انا لقيت تفسير علمي مادي بحت لحقيقة الين و الينغ و الله اعلم بس كلما بجي بدي اكتب اللي توصلتللو من معلومات بلاقي صعوبة قطع هالتدفق الانسيابي للمعلومات اللي عم تطرحها عدا انو عندي استفسارات كتيرة بخصوص ما قد سبق و بناءا عليه عندي اقتراحات يا ريت تتقبلها برحابة صدر :
يفتح موضوع خاص بمساعدة احد المشرفين و يوضع فيالمثبت بعنوان سلسلة فضح علوم الطاقة مثلا و توضع فيها روابط المواضيع باجزاءها لانو حرام بعد اغلاق الاجزاء بطبيعة الحال وفقا لقانون المنتدى ان تصير بالصفحات للاخيرة
حرام مجهود متل هللمجهود ومعلومات خطيرة ترجع للصفحات بينما يتصدر الباطل و يسوق له اولا باول

2_ الافضل و الاكمل انو ينفتح موضوع خاص بالردود و تكون الاجزاء بالذات للجزء الراهن كتابيا مخصص للقراءة فقط :
هيك بنسخة الردود منقدر نحنا القراء نسال و نستفسر حتى بمعلومات قديمة مو الجزء الماضبي بدون ما ينقطع تسلسل كتابة الموضوع و ايضا بعض الاسءلة التي قد تطرح ممكن تجمعها و تحط الاجابة عليها بصفح القراءة حسب خدمتها للردود المطروحة في صفحة القراءة

اقتراحات اخرى : رجاءا لا تترك اللي عم تكتبو رهن منتدىواحد فقط الباطل يا اخ عبد الملك منتشر يعني ما باقي الا ينطلنا من الشاشة و الاكمل لو تفتحلو مدونة خاصة و تحط فيها كتاباتك متل ما انوجد موقع سبيلي لفضح هالعلوم الزاءفة مشكورا طبعا مع فرق انو اللي قدمتو حضرتك دقيق و تفصيلي جدا جدا عن اللي طرحو غيرك ،و يا ريت لو تحول الى كتاب بيكون ممتاز جدا

بعد اذنك لو ما عندك مانع انارح وصل هالمعلومات نسخا لاحد المشايخ ربما لعل و عسى يطرحها للجهات المعنية كمشروع تحويل الى مطويات توعية(مع حفظ الحقوق طبعا ) : عادة المطويات تكون تحث على العبادات و التوبة بس برايي لازم تتحول الوجهة ايضا الى التوعية من الزحف الشركي و الشيطاني المتستر تحت ستار علمي خادع