[بنت المرحوم]

السلام عليكم ورحمة الله وبركاته
كيف الحال يا أعضاء المنتدى .. انا بين فتره وفتره اتابعكم
واليوم حبيت اطرح لكم معاناتي مع الصدفيه وكيف بدأت اتعالج

انا من الامارات
وعمري 20 سنه / أنثى / أعاني الصدفيه من 10 سنين

ف بداية علاجي كنت استخدم مرهم وفي نسبة قليله من القطران ومعاه لوشن وكذا دوا معاه
و كانت الصدفيه منتشرة بشكل فضيع ف جسمي .. عانيت كثير في صغري والحمدلله .. وبعدها كنت أجيب علاج من الهند واستفدت من العلاج لكن تروح الصدفيه وترجع مره ثانيه وبعدها بديت استخدم أشكال وأنواع من المراهم وطبعا فيهم نسبة قليله من الكورتيزون وانا يا غافل لكم الله الا بعدها لما بديت ادخل عالم الانترنت بديت أسوي search وعرفت انه فيه كورتيزون وكيف الأضرار .. وقفت كل علاجات المراهم وبعدها آخذت علاج من محل عندنا بالإمارات مختص بالأعشاب .. عنده علاج داخلي وخارجي وكله اعشاب لكن قبل لا أخد العلاج كانت الصدفيه منتشرة بشكل فضيع لكن ع شكل حبوب صغيره و كرهت نفسي كنت واااايد مضايقه وشفت كثير يستخدمو قطران ف قررت أخذ قطران واستخدمه كنت وقتها عادي استخدم اي شي بس اهم شي تروح عني الصدفيه وبعدها بديت استخدم علاج بالليل وعلاج بالنهار بالليل استخدم القطران مخلوط مع الفازلين وبالنهار استخدم كريم مخلوط بالزعفران وماعرف اذا معاه أشياء ثانيه ولازم اخليه لمده طويله جداً.. هذا بالنسبه للعلاج الخارجي اما للعلاج الداخلي كنت أخذ العسل و اخلطه مع عصير البرتقال مرتين فاليوم وكنت أخذ بودره ممزوجه مع الأعشاب واحطه ف ماي حار واخلطه اخذه ثلاث مرات فاليوم بعد الأكل والصبح كنت أخذ حبه عالريق تنظف البطن ،، ف بداية علاجي تشجعت كثير لآني أشوف تقدم ملحوظ الحبوب تتقشر والصدفيه راحت عني بنسبة 95 فرحت كثير كثير وتحمست للعلاج الخارجي وماقطعته ابد تقريبا قريب الشهر وبعدها مريت بضغوط الجامعه وما أخذ العلاج دايما وبعدها رجعت لي حبوب قليله جداً وارجع استخدم العلاج وتروح .. وبهالفتره ارتفعت حرارتي وانا دايما لما ترتفع حرارتي تزيد علي الصدفيه لكن ع شكل حبوب صغيره وبعدها بديت أخذ العلاج والحمدلله الحين راحت عني وناويه أخذ العلاج الداخلي أيضاً حتى تروح عني الصدفيه بالمره وان شاء الله راح اهتم بنفسي كثير و راح أخذ omega 3 لآني قبل أيضاً كنت استخدمه ونفعني كثير. انا كنت مصوره لكم العلاج لكن ماقدرت أنزلهم ماعرف شو السالفه

ادري تكلمت واااايد لكن من قريت حالات بعض الأعضاء حبيت أسجل واساعدكم وبشوف شو مشكلة الصور بحاول أنزلهم
وأتمنى الشفااء لكل مريض يارب ،، و اي استفسار انا موجوده راح اساعدكم باللي اقدر عليه

في أمان الله