[ali_elsayed_10]

السلام عليكم
سوف احكي التجربة مع القطران
1: بالنسبة لابناء اخي على وعمر اول ماظهرت الصدفية راجعنا الدكاترة وطبعاً كان العلاج ادوية الكرتوزون اللى تاثيرها على الجسم وخاصة الاطفال كارثي
الحمد لله مستخدمناش اي ادوية وبحثنا عن القطران واستخدمناة وكانت نتائجة مبهرة في
الحد من انتشار المرض وسرعة الشفاء وخاصة ان الصدفية لسة حديثة استمر الدهان بالقطران يومي لمدة شهرين تقريباً حتى اختفت الصدفية نهائي وبعد كدا بدانا فترة وقاية دهان
بعد الشفاء تدهن مره أسبوعيا لمدة 3 شهور
بعد ذلك تدهن مره كل 10 أيام لمدة 6 شهور
بعد ذلك تدهن مره كل 21 يوم او شهر
ولحد اليوم تقريا فات عليهم 13 شهر ولم تود الصدفية لهم والحمد لله ومستمرين على الدهان مرة شهريا للوقاية واعتقد مرة كل شهر مش هتجيب لهم سرطان ولا هيكون لها المخاطر السيئة

ثانياً من خلال متابعتى للجروب والاعضاء اللى اتعالجم بالقطران
1: الاعضاء اللى صدفيتهم حديثة بيحسم بالنتائج بسرعة باستخدام القطران وفي منهم مستمر على الدهان
2: الناس اللى صدفيتهم قديمة ولكن انقطاعهم عن ادوية الكرتوزون بقالة فترة كبيرة القطران كانت نتائجة مرضية معاهم
3:الناس اللى استخدمت ادوية كرتوزون كثير القطران بيكون بطيئ جدا معاهم وبيخليهم يقولم انة مفيش فايدة منة
عامل مشترك بين كل الناس انها بتستخدم القطران شهر او شهرين تختفي الصدفية ويقعد لة 4 او 5 شهور ميدهنش ويرجع يقول الصدفية رجعت والقطران مجبش نتيجة وتيجي تسائلة وقفت لية يقولك ظروف خاصة ومش عارف اية
مع انة لا مشي على برنامج الاستاذ قيس اللى بيقول دهان لمدة سنتين
طبعاً احنا منعرفش القطران بيعالج اية ان كان سطحي ولا داخلى ولا عارفين المادة الفعالة فية اية
لكنة من وجهي نظري افضل العلاجات حتى الان ولو مش عاجبها الناس انة افضل العلاجات يبقي افضل المسكنات لان مفيش في السوق علاج اصلا