السلام عليكم و رحمة الله و بركاته
ما بعرف بس مو شايفة غلط بالموضوع !!!
عندما لا يعجبني هندامه او لون قمصيه، اطلب منه ان يغيره فيفعل ...عادي و كتير واردة بمجتمعاتنا حتى من الرجال الي مخوخن مقفلة
بل في بداية زواجنا كان يدخن، بمجرد ان طلبت منه ان يقلع عنه، اجاب "حاضر"،
احدى قريباتي ما قبلت بالزواج من زوجها الحالي قبل ما يوقف عن التدخين و مو بس هيك كان تحت المراقبة لمدة 40 يوم
هو واخوها كانو ساكنين سوى و كان مراقب و لما التزم بوعدو
تم النصيب .
يعني عادي ...و خالي كمان مرتو ما اخدتو لبطل تدخين وهاد المفروووووض و الشي الطبيعي يعني
من رايي مو بس الرجل الي بيتشرط و بيئمر و بينهي
المرأة كمان لازم يكنلها كيان و كلمتها الها مكانة و من حقها تتشرط بامور و في امور لازم ما تمشي الا برضاها
و هي من اول الزواج لازم تتوضح ومن الخطبة لازم تفهم زوج المستقبل هل شي
كلما طلبت منه شيئا لا اجد منه اعتراضا،
الامور الي ذكرتها عادية كتير كتير و طبيعية وما بتنفر ..
لهذا كرهته واحتقرته،
و الله انا الي كرهت هل مرأة لان جدبة بنظري "يعني بتفرط بزوجها لانو مطيع وحباب...ياخي حتى بالحياة الزوجية في نساء بتحب نظام العسكر جد !!!!! شي بدوخ
"الا اذا في امور تانية و بتقصد هل مرأة فيها ان زوجها طرطور ومالو شخصية "فهون بيكون الحق عليه مو عليها هي
لان هل نوع مستفز حقا وما بينعاش معو
وهل امور ما ذكرتها بموضوعك انت
شخصيا انا معها، فالرجل يجب ان تكون لك كلمته في البيت،
شو هي الشخصية القوية ان يعاكس و يقول لا ..و يوتر البيت ويضل منرفز ووو هاي هي الشخصية القوية للرجل
"اكيد ما قصدك هيك ...بس شو وضح!!؟؟"
فالمرأة إن أرادت ان تتزوج تزوجت برجل يعرف ماهيا الرجولة فعلاً ويقدرها
طيب شو هي الرجولة فهموني ...
وكما قلت سلفاً لايقبل أي رجل والله اعلم ان يكون تابع لزوجته ...
وين التبعية بالموضوع ...
اساسا مافي رجل بيكون تبع اطمنو .."يا حسرتي ع بنات حواء"
الا بحالتين .
وحدة بتكون امور سخيفة و مو مهمة يعني لا بتقدم و لابتأخر وماعندو مشكلة فيها و هون ما فيك تقول عنو تبع ...بالعكس مخو كبير و فهمان وما بحب يسوي مشاكل
تانيا اذا الامور كبيرة و ضخمة و كان تبع فيها و عم يسمع كلام مرتو فهون بيكون في حالات:.
-يا انهن عرسان ...
-يا ان عم بطنش و صبور و بحب مرتو و مو حابب يزعها ويزعج حالو.
-يا انو عم بصمدلا ياهن ...يجمعهن لينفجر فيها بشي مكان
و هاد اكبر احتمال
و -يا انهار اسود عليها رح يخليها تكره الساعه الي اجت فيها ع الدنيا..ههههه
-يا انو هو طرطوووووووووووور ومالو شخصية
وهل موضوع مرتبط بالذكورة اكتر من الرجولة .
برايي ليكون البيت سعيد و الزواج ناجح ..
لازم
ما تمشي كلمة الزوج الا برضى الزوجة ...وما تمشي كلمة الزوجة الا برضى الزوج
يعني مسايرة و مرة هيك و مرة هيك
"طبعا اذا كانت الكلمة و الراي ما بيخالف كلام رب العالمين و اوامرو ...و غير هيك انا ما بحب و بكره كمان "
ويا ربي لا تجربنا