هنا اكمل الاغنيه واكتب ابياتها بعد طلب احد الاخوان
طبعاً التنسيق هذا اسمع فيه واتوقع اقابله قريب ان شاءالله
قوم اسمع المبلي بعله فشانه
عشرين عام قربت في عوانه
مافارقه قشره ودمه وزانه
ما اشتكي ماباس والحمدلله
روحت يم الطب مافي إفاده
عشرين حولً كلها فالعياده
حطو علي لمبات تكشف زياده
وحطو مراهم ثم حطو وشلناه
من طلعة الصبحي الى ظلمة النور
كل الملابس تمتلي دم وقشور
البعض واضح منه والبعض مستور
البعض الاخر صار لالا مبالاه
اشيل قشر ويطلع الدم واضح
لا والله الا صرت كلي جرايح
حتى نصايح صرت مابي نصايح
منهو فهم ياناس ويش الخلافاه
اكتب وجنب الحرف دمن يسيلي
ومجاوره قشره اشيل وتشيلي
ماتاخذ الخانه ولاتستويلي
لاكملت حرفي ولابان معناه
مابين انتر وبين زر المسافات
تطيح من جسمي وتملى فراغات
صارت مع الاحرف كماله واخوات
اثر القشور اليوم صارت كمالاه
وسلامتكم