اقتباس:
المشاركة الأصلية كتبت بواسطة حياة هيمو
انا باعترف لكم بشي يمكن ماحد يعرفه غيركم انا دائما خايفه وتجيني اوهام وافكر في اشياء ماصارت اتخيلها وابكي يعني مثلا ناس احبهم وغالين افكر يجيهم شي وابكي وقلبي يصير يعورني ويضيق صدرري واحس حزينه مبعثره داخليا مافي استقرار مشاعري دائما تعبانه وحساسه واي موقف اتعب منه ممكن بعد كل هذا يأثر على صدفيتي يارب اشفنا ياشافي ياكريم
|
بسم الله الرحمن الرحيم عليك يا هيمو ليش تعيشين نفسك بهالعذاب الي ماله داعي
انتي سمعتي بسالفة ذاك الي يقول لصاحبه ياليت عندي الف راس غنم ورد عليه صاحبه وانا ياليت عندي الف ذيب اهدهم على غنمك عشان ياكلونهم
قام الاولي زعل وعصب وتضارب مع صاحبه وسالت دمانهم وعورو بعض على شي ماصار ولاستوى
عاد انتي لا تغلبينهم تفكرين باشيا ماصارت وانتي متاكده انها ماصارت و مع هذا تعيشين الحزن بشكل حقيقي يعني تدفعين الفاتوره بدون ماتاكلين
هذا غلط واضح واحساس مفرط في غير محله
الا إذا كنتي انتي تحبين تعيشين حالة الحزن وهذي مشكله لازم انتي تدرسينها وتعرفينها وتعالجينها بنفسك
بس اقولك ترى ذي مرحله وتعدي ان شاء الله اهم شي انتي تفهمين انها مرحله تزول بسهوله مع اي انشغال فكري عنها
يعني طالما انك تفكرين فيها هي موجوده لكن بس تنشغلين عنها بشي مثل ضغط عمل ولا بحث دراسي بتنسينها واذا تذكرتيها بتضحكين ع الوقت الي ضيعتيه فيها
ترى الحياة نعمه حلوه من الله مافيها وقت نضيعه في الحزن والالم لان كلشي بيد الله سبحانه
تمنياتي لك وللجميع بالشفاء العاجل من الصدوفه وبحياة سعيده جدا جدا