[راغبة في رضا الله]

الغالية بالاسلام نرتقي أسئلتك في غاية الأهمية وان شاء الله ساناقشها كلها لكن انتِ بتعرفي انه وقتي كتير ضيق فظروف عملي صعبة لذلك اعتذر عن التأخير وياريت تتحملوني
ومن جهة ثانية بيسعدني يشارك الزارع والجميع بالنقاش لانه الآن هذا الموضوع أعتقد انه الأكثر الحاحا واهمية
وطبعاً انتِ أيضا لاتنسحبي من النقاش لانه وجودك مهم والافكار التي تطرحينها في غاية الأهمية
بعد كل ماذكرته سأقتبس الجزء الأهم في مشاركتك بالنسبة لي ومن ثم اعود الى بقية الاسئلة


بتعرفي
انا ربيت ببيت مسلم ما بقول متدينين ...فيك تقولي ملتزمين وبحبو الاسلام
كان حلمي صير داعية اهدي الناس انشر الاسلام
ما انذكر بيوم من الايام ببيتنا "طوائف او احزاب او واو "
كنت فكر المسلمين ايد وحدة و للمسلمين عدو واحد

ويوم ورا يوم ...وبجوز الايام فرجتني هل شي و الظروف فيكي تقولي ...
فرجتني ان المسلمين مقسمين واعدائن كتار حتى من المسلمين ذاتن ...
بالفترة الاخيرة صرت شك بحالي ...
ع قد التخوين ع قد التكفير ع قد الاتهامات و قد ووو ...
صرت شك بحالي يا ترى انا مسلمة و لا شو
حسيت ان بعد ما كان حلمي صير داعية و لازم انشر الاسلام ...
حسيت ان لازم افهم الاسلام ..
لان شفت العجب العجاب ...
كل شي بدوخ ...
وما بقى عم تعرفي مين الصح ومين الغلط ومين بدك تايدي و مين بدك تعارض و مين بدك تحبي و مين لازم تحاربي ...
ما بعرف ...و الله يا اختي هاد مو بس شعوري ..
كل ابناء جيلي عم بدورو بنفس الدويخة ...
كلمة بتاخدنا يمين و كلمة بتاخدنا شمال

مو قله ايمان والله ...
بس من كتر المتلاعبين بالدين و كتر المتفهمننين الجهلا ...عم حس ان عم نضيع
ومع هيك لما بفكر بيني و بين حالي و اقعد بالساعات بفكر بهل موضوع ...بتوصل للحكي الي ذكرتي بردك وبرتاح ...بس قبل ما قوم بحس حالي رجعت لنفس الدويخة ...
يعني في شي غلط ... وشو لازم نساوي
ما بعرف !!!!!!!
مرات بقول انا علي بنفسي صومي و صلاتي و لباسي وما اعصي ربي ...
و العالم حدا جهنم من شاء فليؤمن و من شاء فليكفر ...ماني فايتة بقبر حدا ..علي بنفسي و بس
بس بحس بهل قرار اني انانية ...
بقول لا انا لازم ساوي شي مو معقول كون نكرة ...
برجع بقول ...ما الافهم مني ما عم يطلع بايدو شي انا بدي ساوي ...
اصلا انا شبه ضايعه وبدي مين يهديني ...
ما بعرف ...
كيف لازم نعيش و شو المطلوب منا والله العظيم تعبنا من التفكير اكتر من العمل

عم تفهمي علي و شو عم اقصد بكلامي !!!؟؟؟



طيب اسمحيلي اتكلم بصراحة
الآن اذا أردنا أن نتكلم عن الامة العربية والاسلامية بشكل عام وماالذي أدى بها الى هذا الضعف والانحطاط و و فالجواب معروف للكل وهو بعدنا عن ديننا
فسق وفساد وضياع و و ,انفس ضعيفة تعلقت بالدنيا ونست الآخرة الكلام يطول وبالرغم من ان هذه النقطة هي الأكثر اهمية الا انني ساتجاوزها الى النقطة الاخرى لسبب واحد اننا هنا في ملتقى اسلامي لاهل السنة غالب من يتواجد فيه يتمتع بالالتزام وتلك المشكلة ليست متواجدة عنهم الابنسب قليلة ولانزكيهم على الله ولكن هذا ظاهر الحال وان لم يكن كذلك فعلى الاقل هم يعرفون الصواب والمحرمات وماتواجدهم هنا الا لأنهم يجاهدون انفسهم ليتقربوا لله والله اعلم
اذا انا سأتحدث عن المشكلة الثانية والتي تصيب الملتزميمن او المتدينين وسأجعل مشاركاتي مقسمة كي لاتملوا من القراءة