[بالاسلام نرتقي]

السلام عليكم و رحمة الله و بركاته ...
بداية شكرا ع الموضوع ...
جوابي انا ع الوضوع بشكل عام "لكل مقام مقال "
ما فيك تتكلم مع الكل بنفس الطريقه ...
وحتى لو الك طريقه وحدة تخاطب فيها الجميع "الا ما تجيك ايام أو ساعات "و تتغير
حسب الوضع و الظرف و الكلام

كلها الها دور ...
بس سبحان الله ...
هل شهر الي مرق عليي ...علمني اشيااااااااااء كتير ...
بجوز مو علمني عيشني اغلب الاشياء كنت بعرفها بس جديد عشتها ..
و من ساعه و انا عم نظف كنت عم فكر بيني و بين حالي "ان الدنيا صغيرة و ايامنا فيها معدودة ..لشو لنكره لنتكبر و نتجبر ...خلينا نعيش بالحب ...لان عن جد في ناس عايشة بالحب ...كنت اتخيل هل شي بس بمواضيع عمي الزارع ...
بس لا ...
كلنا راحلون ...والدنيا صغيرة ووسخة ...و الكون كبير وواسع ...و الافق بعيد ...
ليش نحن عم نضيق ع صدورنا ..نحمل انفسنا فوق طاقتنا
مافي احلى من الكلمة الحلوة حتى لو كانت صغيرة ...
حتى لو انقالت لشخص ما بيستاهلها ..
تعلمت بهل فترة اني عامل الناس باخلاقي "اول شي بنصحح الغلط بعدين بنعامل بالصح "
و انا علي بنفسي ...ما علي بغيري
كتير بدنا تطهير و تنظيف
مافي احلى من العطاء و الحب و السماح ...
و نسيان الاساءة ...و الظن الحسن ...
الي ضيعنا ووصلنا لهل مواصيل هي عكس هل كلام ...
اجا وقت التصحيح ..
التمس لاخيك بضع و سبعون عذر فان ل تجد له عذر فالتمس له عذر ..
بارك الله بك عمي الزارع ...
بجوز انت حكيت ع شي و انا حكيت ع شي ...
بس عن جد رساله و حابة وصلها للجميع مافي احلى من ان الواحد يعيش بالحب و التسامح و يغض النظر عن اخطاء الاخرين و يتعلم منها ...
و مافي شخص ما بيخطئ و خير الخطائيين التوابون ..
كل شي بيمضي من العمر و كل شي بينتسى ...

اللهم انك عفو تحب العفو فاعف عنا ...
سلام ...