[ورد جوري]

المشاركة الأصلية كتبت بواسطة لمسة ملاك

لاتكن ليناً فتعصر ولا تكن قاسياً فتكسر

انا هيك بتعامل مع جميع الاعضاء اللي عندي بمنتداي
بحاول بطريقة طيبة اوصل لهم الفكرة وانتي الله يعينك عندك اعضاء صغار كتير ومشاغبات رح تتغلبي شوية بالحذف من وراهم
والمشرفة لازم تكون بالها طويل حتى تستوعب الجميع
وإلا ماكانت مشرفة شطورة إزا حتهرب الجميع من قسمها صح
وبيكفي ورد الطيبة هي مشرفة هاد القسم يعني لما تساعدي في رسم ضحكة او ابتسامة على شفاه بنت صغيرة وطولتي بالك عليها فهي بمثابة صدقة
كان عندي ملاحظة صغيرة لفتت انتباهي وهي خوفك الكبير على السيرفر
معقول ملتقى كبير متل هادا يتأثر بسبب موضوع معين
أتوقع اللي فاتح موقع كبير متل هاد مارح يأثر عليه هيك مشاركات والله اعلم

والله ياملاك انا بحب كلام الامام علي رضي الله عنه اللي تفضلتي فيه

بس في متل بيقول اذا كان صاحبك عسل لا تاكله كله

كتير مخالفات بعمل حالي مالي شايفتها
وكتير امور بمررها من دون كلام
والمقابل بيطنش على مخالفاته وبيعمل حاله عاادي!

بالنسبة الي بوجه تنبيهات للاعضاء الكبير والصغير
كل واحد بما يناسب عمره
وفي منن لكبر سنهم بخجل احكي معن
والحمد لله الكل بيعرف من هي ورد وكيف تتعامل مع الاعضاء
ومايوم حد زعل مني
بس هالايام الزعل صاير موضة
وكتار بيزعلو من شي مابيكون موجه الهم
الله يهدي النفوس

وانا لو عليي كنت تركت الاشراف على الترفيهي من زمان منشان اللي مزعوج يرتاح
بس الشغلة مش بايدي

السيرفر ياملاك مش مخصص للملتقى الترفيهي وبس
في عندك اقسام كتيرة بشبكة الشفاء الاسلامية
رقى واناشيد ومركز تحميل وووووو
مابعرف ازا كنتي مطلعة ع الشبكة او لا
اضافة للملتقى واقسامه

ومتل مالكن شايفين كل فترة والتانية
الملتقى بيوقف بسبب الضغط الكبير على السيرفر
وهاد كلام المدير أبو آيه
يعني مش كلامي, واكيد هوي بيعرف امور الشبكة والملتقى اكتر من اي حدا هون

المشكلة مش بموضوع معين اختي ملاك
وانما بمشاركات معينة وضحتها مسبقا
ما لها معنى او ضرورة
هاي المشاركات عم تعجل بوصول المواضيع للحد الاقصى المسموح به من المشاركات
وهيك صرنا منغلق بسرعة ومنفتح جديد بعد يومين
ولو نرجع للموضوع المغلق حنلاقي كتير من هالمشاركات
...
اكيد كلامي ما حيعجب حد
مع انو واضح كتير ومابيزعل

نسأل الله التوفيق والرضا
في حفظ الله